Святар, якому давялося пакінуць Беларусь, перадаў падарунак у сваю былую парафію
- Written by KATOLIK.LIFE
- Published in Царква
- Add new comment
Ён павіншаваў вернікаў у Паставах са святам Божай Міласэрнасці і запісаў відэа.
Ксендз Анджэй Бульчак павіншаваў вернікаў каталіцкай парафіі Езуса Міласэрнага ў Паставах са святам Божай Міласэрнасці. Яно адзначаецца сёлета 16 красавіка, у другую нядзелю пасля Вялікадня, і з'яўляецца для пастаўскіх вернікаў парафіяльным святам.
Ксендз Анджэй служыў пробашчам у Паставах, але год таму вымушаны быў пакінуць Беларусь.
На відэа святар распавёў, што набыў у санктуарыі Божай Міласэрнасці ў Кракаве падарунак для пастаўскіх вернікаў – арнат (літургічную вопратку) Езуса Міласэрнага. Ксендз Анджэй павіншаваў былых парафіян са святам і дадаў, што цяпер служыць у Гданьску, у тым ліку – для беларускіх католікаў, якія цяпер жывуць у гэтым польскім горадзе.
Пра сэнс свята Божай Міласэрнасці можна даведацца з допісу на старонцы Verbum Christi. «Хай ні адна душа не баіцца наблізіцца да Мяне – нават калі яе грахі будуць як пурпур (...) Я выліваю цэлае мора ласкаў на душу, якая набліжаецца да крыніцы Маёй міласэрнасці», – сказаў Езус сястры Фаустыне, як піша яна ў сваім «Дзённіку». Больш – па спасылцы >>>
Media
Related items
- У Беларусі праходзяць святы Першай Камуніі – як гэта было ў сельскіх храмах
- «Не сказалі нават біскупу». Даведаліся, на які тэрмін асудзілі святароў у Віцебску
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам
- Святары з Шуміліна застаюцца ў зняволенні, таксама была затрымана парафіянка