У Беларусі праходзяць святы Першай Камуніі – як гэта было ў сельскіх храмах

На працягу траўня ў каталіцкіх парафіях праходзяць традыцыйныя святы Першай Святой Камуніі. Падчас урачыстых святых Імшаў упершыню прымаюць Цела Хрыстова дзеці, якія рыхтаваліся да гэтай падзеі на працягу некалькіх гадоў катэхезы ў нядзельных школах. Гэтаму папярэднічаюць экзамены на веданне асноў хрысціянскай веры і сакрамэнт пакаяння – першая споведзь.

Дзеці апранаюць белую вопратку як сімвал чысціні і святасці. Яны трымаюць у руках запаленыя свечкі – знак Хрыста як святла свету і арыентыру ў сваім жыцці.

«Калі б анёлы маглі зайздросціць, яны зайздросцілі б нам у прыняцці Святой Камуніі, у якой Бог цесна звязаны са сваім стварэннем. У такую цесную сувязь ён не ўваходзіць нават з анёламі», – пісала святая Фаўстына Кавальская ў сваім «Дзённіку».

Відэа з момантамі свята апублікаваў Нацыянальны санктуарый у мястэчку Будслаў Мядзельскага раёна – там Першую Камунію ўрачыста прынялі 5 хлопчыкаў і 6 дзяўчынак (глядзіце ніжэй).

А як праходзіла свята ў вёсцы Каробчыцы Гродзенскага раёна, паказалі ў Instagram парафіі.

Наш канал в Telegram – только интересное и важное. Подписаться >