Арцыбіскуп Гуджэроці зноў прыедзе ў Беларусь – як спецпасланнік Папы

Былы Апостальскі нунцый у Беларусі і Украіне, любімы многімі каталіцкімі вернікамі арцыбіскуп Клаўдыё Гуджэроці зноў прыедзе ў Беларусь. Папа Рымскі Францішак прызначыў Гуджэроці, цяперашняга прэфекта Дыкастэрыі па справах Усходніх Касцёлаў, сваім спецыяльным пасланнікам на ўрачыстасці 25-годдзя каранацыі абраза Маці Божай Будслаўскай, паведамляе vaticannews.va/be. Свята прызначана на 30 чэрвеня – 1 ліпеня.

Нагадаем, апошні раз Гуджэроці – у якасці спецыяльнага пасланніка Папы Францішка – быў у Мінску ў снежні 2020 года і сустракаўся з Аляксандрам Лукашэнка, каб выразіць «трывогу і заклапочанасць Пантыфіка сітуацыяй у Беларусі». У хуткім часе пасля гэтага арцыбіскупа Тадэвуша Кандрусевіча ўпусцілі ў Беларусь.

Наш канал в Telegram – только важное. Подписаться >

Нунцыем ва Украіну Гуджэроці быў прызначаны пасля пачатку расійскай ваеннай агрэсіі на усходзе Украіне. Прадстаўнік Папы некалькі разоў наведваў рэгіёны Данбаса. Затым быў накіраваны на дыпламатычную службу ў Вялікабрытанію.