100 парафій у сістэме! Праект Imsha.by пашырыўся на Беларусь і адказаў на пытанні

Каталіцкі праект, які збірае і сістэматызуе інфармацыю пра расклады святых Імшаў у касцёлах Беларусі, паведаміў, што ў сістэму ўключана ўжо 100 парафій. Пашырэнне праекта на ўсю краіну працягваецца.

«5 гадоў назад, калі мы пачыналі праект, мы толькі марылі, што ў сістэме можа быць 100 парафій. Тады нават не было адмінкі, не было бота і многа чаго яшчэ, а расклад Імшаў нам падавалі мінскія парафіяне праз групу ў Viber, а мы яго кожны тыдзень самі абнаўлялі для кожнай мінскай парафіі і паралельна рабілі адмінку і бота. 100 парафій у сістэме здаваліся нейкай вельмі далёкай марай тады. Мы жартавалі пра гэта, і нотка скептыцызму, канечне, была ў паветры. А цяпер ужо момант, калі мы думаем як зрабіць так, каб кожны населены пункт нашай краіны, дзе цэлебруецца Імша быў у сістэме, каб ведаць дакладны расклад Імшаў там. Гэта сапраўды цуд для нас! Бо тое, што ёсць ужо зараз – вынік таго, што прыйшлі людзі ў каманду, далучыліся адкрытыя цудоўныя людзі з розных парафій нашай краіны і святары паверылі нам», – пракаментавалі ў праекце.

Нагадаем, унікальнасць сістэмы ў тым, што за актуальнасць інфармацыі ў кожнай парафіі адказваюць валанцёры, якія самастойна ўносяць звесткі ў сістэму.

Наш канал в Telegram – только интересное и важное. Подписаться >

А напярэдадні аўтары праекта адказалі на пытанні «Радыё Марыя»: чаму вырашылі распаўсюдзіць праект на ўсю Беларусь, хто можа стаць валанцёрам і якія абавязкі кладуцца на такога чалавека, навошта арганізатарам праекту фота святароў, ці ёсць у праекта хейтэры? Адказы – ніжэй у відэа.