«Зараз вельмі важны час». У Няспыннай малітве за Беларусь з'явіліся вольныя гадзіны

Няспынная малітва за Беларусь, якая стала ініцыятывай каталіцкіх вернікаў, працягваецца ўжо восем з паловай гадоў. Гэта кругласуткавая малітоўная чарга, якая складацца мінімум са 168 чалавек, кожны з якіх на працягу адной гадзіны раз на тыдзень моліцца за Радзіму.

«Мы молімся там, дзе мы ёсць, так, як умеем, удзень і ўначы. Шукаем людзей, якія гатовыя маліцца за Беларусь ў канкрэтны час і ўзяць сабе гадзінку. Зараз вельмі важны час, каб маліцца да Бога і прасіць за сваю Радзіму. Беларусі вельмі патрэбная наша вера!», – звярнулася адна з ініцыятараў, каталіцкая верніца Вольга Севярынец.

Яна адзначыла, што ўдзячная тым адданым людзям, якія зараз прымаюць удзел у малітве – многія з іх моляцца за Беларусь ад самага пачатку «Няспыннай малітвы». Але зараз з'явіліся пяць вольных панядзелкавых гадзінаў, на якія шукаюць людзей, гатовых маліцца ў гэты час:

00.00-01.00 (ноч з нядзелі на панядзелак)

02.00-03.00 (ноч з нядзелі на панядзелак)

03.00-04.00 (ноч з нядзелі на панядзелак)

17.00-18.00

18.00-19.00

Ахвотных запрашаюць скантактавацца з Вольгай праз яе старонку ў Фэйсбуку.

Наш канал в Telegram – только интересное и важное. Подписаться >

Аўтар галоўнага фота: Віктар Малышчыц