Падрабязнасці аб рэканструкцыі Кальварыі ў Мінску: калі і што зробяць
- Written by KATOLIK.LIFE
- Published in Царква
- Add new comment
Касцёл, капліцы і браму будуць рэканструяваць на працягу двух гадоў – на гэта выдзеляць каля 1 мільёна рублёў.
Адміністрацыя Фрунзенскага раёна Мінска апублікавала апавяшчэнне аб правядзенні грамадскага абмеркавання канцэпцыі па рэканструкцыі касцёла Узвышэння Святога Крыжа, шасці капліц-пахавальняў і цэнтральнай уваходнай брамы на тэрыторыі Кальварыйскіх могілак.
Заказчык праекта – КУП «Мінская спадчына». Грамадскае абмеркаванне пройдзе з 5 па 19 лютага. У паведамленні пазначана, што мэтай праекта з'яўляецца «аднаўленне аб'ектаў нерухомасці, уключаных у рэестр гісторыка-культурных каштоўнасцяў Рэспублікі Беларусь».
Праектам прапануецца:
– Рамонт даху над асноўнай часткай будынка касцёла з заменай кроквеннай сістэмы, рэканструкцыю з рэстаўрацыяй вонкавых сцен будынка, капітальны рамонт скляпенняў, аднаўленне запаўнення аконных і дзвярных праёмаў, дэкаратыўных элементаў фасадаў па аўтэнтычным узорам, рамонт і аднаўленне ўнутраных інтэр'ераў будынка касцёла, усталяванне сістэмы ацяплення (электраабсталяванне), відэаназірання, апавяшчэння аб пажары і пажарнай сігналізацыі, рамонт сістэмы электразабеспячэння з устаноўкай свяцілень і падсвятлення вежы з гадзіннікам, рамонт падмуркаў і адмосткі будынка.
– Капітальны рамонт канструкцыі ўваходнай брамы з узнаўленнем дэкаратыўных элементаў і рэстаўрацыяй аздаблення.
– Аднаўленне капліц-пахавальняў на падставе дакументальных гісторыка-архіўных матэрыялаў або аналагаў.
Іншыя падрабязнасці аб рэканструкцыі касцёла мы знайшлі ў Інвестыцыйнай праграме Мінска. У дакуменце пазначана, што правядзенне работ, сродкі на якія выдзеляць са сталічнага бюджэту, запланавана на 2024-2025 гады. Прычым, мяркуючы па аб'ёме запланаваных да выдзялення сродкаў, асноўныя работы маюць намер правесці ў наступным годзе. У 2024 годзе прадугледжана выдзяленне 200 тыс. рублёў, а ў 2025 годзе – 762 тыс. рублёў. У гэтыя сумы ўключаны і праектныя работы.
Зыходзячы з маштабу праекта, можна чакаць, што дзейнасць рыма-каталіцкай парафіі Узвышэння Святога Крыжа на час работ будзе прыпыненая.
Наш канал в Telegram – только интересное и важное. Подписаться >
Дарэчы, у Інвестыцыйнай праграме Мінска няма звестак аб анансаванай рэканструкцыі закрытага Чырвонага касцёла.
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Не святар: разабралі памылковую інфармацыю пра затрыманне верніка ў Омску
- Адпраўка ў войска ў Беларусі адбываецца з удзелам святароў