Навагодні фільм-канцэрт ад «Радыё Марыя»: 13 нумароў, выкананых ад душы

Снежань 31, 2024
Written by KATOLIK.LIFE
Published in Царква
Add new comment

Канцэрт падрыхтавалі парафіі і супольнасці з розных куткоў Беларусі.

Беларуская рэдакцыя «Радыё Марыя» працягвае традыцыю выпускаць у навагодні вечар каталіцкі фільм, каб дапамагчы вернікам па-хрысціянску сустрэць новы год. У мінулыя разы каманда радыё рыхтавала міні-фільмы з сюжэтамі, а сёлета прадстаўляе фільм-канцэрт – паведаміла рэдакцыя на сваёй старонцы:

«Запрашаем да прагляду навагодняга канцэрту, падрыхтаванага рознымі каталіцкімі супольнасцямі і парафіямі з некалькіх куточкаў Беларусі. У фільм-2025 увайшлі 13 нумароў, выкананых ад душы».

Прэм'ера запланавана на 22.00 па беларускім часе 31 снежня. На канале радыё ў YouTube ужо ёсць спасылка на фільм.

Фота – ілюстрацыйнае (парафіі ў Глыбокім)