«Двойчы плакаў разам з ім». Арцыбіскуп Кандрусевіч даў шчырае інтэрв'ю блогеру

Паўтарагадзінную размову з арцыбіскупам эмэрытам Тадэвушам Кандрусевічам апублікаваў беларускі каталіцкі блогер Віталь Грышкевіч. Відэа, у якім 79-гадовы заслужаны іерарх распавядае пра гісторыю свайго жыцця і свайго служэння, дзеліцца сваім бачаннем праблем сучаснасці, хутка набірае прагляды, рэакцыі і каментары.

Інтэрв'ю было запісана напярэдадні весткі аб тым, што ў арцыбіскупа выявілі метастазы, пасля чаго ён пачаў праходзіць хіміятэрапію.

Як пісаў Віталь у сацсетцы, у момант запісу размовы ён «двойчы плакаў» разам з арцыбіскупам. Адзін з такіх момантаў – пры словах іерарха:

«Калісьці дамы будавалі з гліны, але сэрцы людзей былі залатымі. Сёння дамы блішчаць золатам, а сэрцы – каменныя».

На канале «Ласіны рог» блогер пастаянна публікуе новыя відэа са святарамі і свецкімі вернікамі. Апошнім часам з духоўных асоб суразмоўцамі Віталя былі святары Юрый Жэгарын, Віктар Жук, Андрэй Шут, а раней — біскуп Віцебскі Алег Буткевіч.

Наш канал в Telegram – только интересное и важное. Подписаться >