Першы раён паведаміў пра завяршэнне перарэгістрацыі парафій: яе прайшлі амаль усе

Май 16, 2025
Written by KATOLIK.LIFE
Published in Царква
Add new comment

Парафія ў Дзятлава паказала, як выглядае пасведчанне аб дзяржаўнай рэгістрацыі рэлігійнай арганізацыі.

Праходжанню дзяржаўнай перарэгістрацыі рэлігійных арганізацый была прысвечана нарада ў Дзятлаўскім райвыканкаме 16 траўня. На гэты дзень завяршыла неабходныя працэдуры 21 супольнасць розных канфесій з 24, якія дзейнічаюць у раёне, паведаміў райвыканкам.

У бліжэйшы час працэс завершаць і астатнія тры супольнасці, выказаў упэўненасць намеснік старшыні райвыканкаму Вадзім Бялятка.

Каталіцкая парафія ў Дзятлава таксама паведаміла аб паспяховым праходжанні працэдуры і паказала, як выглядае пасведчанне аб дзяржаўнай рэгістрацыі рэлігійнай арганізацыі (глядзіце ніжэй).

Напярэдадні Гродзенская дыяцэзія як мясцовае рэлігійнае аб’яднанне прайшла дзяржаўную перарэгістрацыю. Упаўнаважаны па справах рэлігій і нацыянальнасцяў Аляксандр Румак перадаў пасведчанне аб рэгістрацыі біскупу Гродзенскаму Уладзіміру Гуляю.