Топ-5 нетыповых фота з пілігрымак у Будслаў: біскуп з дзіцём і міліцыянт у калоне

Ліпень 1, 2025
Written by KATOLIK.LIFE
Published in Царква
Add new comment

Да пілігрымкі з Маладэчна далучыліся католікі з дыяцэзіі ў расійскім Саратаве.

У Нацыянальны санктуарый працягваюць крочыць паломніцтвы каталіцкіх вернікаў з розных мясцін Беларусі. Чакаецца, што каля 2 тысяч чалавек прыбудуць у пешых і роварных пілігрымках на фэст у Будславе, які адбудзецца 4-5 ліпеня.

Мы выбралі некалькі нетыповых здымкаў са старонак у Instagram паломніцтваў з Баранавічаў, Ліды, Маладэчна і Мінска і зрабілі скрыншоты з відэа мінскай пілігрымкі. Увагу прыцягнула да сябе тое, што ў калоне вернікаў ішоў супрацоўнік АМАП. Ён суправаджаў паломніцтва ад катэдральнага касцёла аж да выхаду з Мінску, як мы заўважылі на відэа.

А да пілігрымкі з Маладэчна далучыліся католікі з дыяцэзіі ў расійскім Саратаве – групу з 70 чалавек узначальвае асабіста ардынарый, біскуп Клеменс Пікель (на фота – з дзіцём на руках).