З нацыянальным каларытам асвяцілі ўпершыню за два гады новы касцёл у Мінску

Чэрвень 8, 2025
Written by KATOLIK.LIFE
Published in Царква
Add new comment

Храм Божага Цела пачалі актыўна будаваць у 2018 годзе.

Тры біскупы, дзясяткі святароў і сотні вернікаў сабраліся на ўрачыстасці асвячэння новага каталіцкага храма ў Мінску.

Касцёл Божага Цела на вуліцы Герасіменкі на ўскрайку сталіцы, дзе служаць айцы кармэліты босыя, пачалі актыўна будаваць у 2018 годзе. А ў 2024 годзе ў касцёле ўжо адпраўлялі святыя Імшы, але аздабленне храма яшчэ працягвалася.

Падчас свята абрус для алтара выносілі жанчыны ў народных строях, некаторыя вернікі былі ўбраныя ў нацыянальныя вышыванкі [фота і відэа апублікавалі Кацярына Рассоха, Віктар Ведзень, Ірэна Рубінава, Петр Фраштэнга]

Апошні раз асвячэнне новага касцёла ў Мінску адбывалася два гады таму. Гэта касцёл святога Францішка Асізскага на вуліцы Авіяцыйнай у Новай Баравой.

Аздабленне гэтага храма таксама яшчэ не завершана да канца, а парафія працягвае збіраць ахвяраванні на выплату доўгу, які застаўся пасля завяршэння будаўніцтва. У красавіку паведамлялася, што гэта доўг складае амаль 40 тыс. еўра.