Святы Айцец моліцца аб плёнах перамір’я ва Украіне

Верасень 8, 2014
Written by katolik-gomel.by
Published in Царква
Add new comment

Папа Францішак у чарговы раз звярнуў увагу вернікаў на сітуацыю ва ўсходняй частцы Украіны. Пасля нядзельнай малітвы “Анёл Панскі” на плошчы св. Пятра 7 верасня 2014 г. ён адзначыў, што нягледзячы на несуцяшаючыя навіны з рэгіёна, былі зроблены важныя крокі ў накірунку перамір’я і пажадаў, каб дыялог працягваўся і прынёс доўгачаканыя плёны.

“На працягу апошніх дзён – хоць сёння я чуў не вельмі суцяшальныя навіны – былі зроблены значныя крокі ў пошуку перамір’я у рэгіёнах ахопленых канфліктам на ўсходзе Украіны. Жадаю, каб яны маглі прынесці палёгку насельніцтву і паспрыяць намаганням на карысць трывалага міру. Малюся, каб у логіцы сустрэчы, пачаты дыялог працягваўся і прынёс чаканыя плёны. Марыя, Уладарка супакою, маліся за нас!”, - сказаў Пантыфік. Святы Айцец таксама далучыўся да закліку аб міры ў паўднёва-афрыканскім Лесота, які скіравалі мясцовыя біскупы. “Асуджаю любыя акты насілля і прашу Пана, каб у Каралеўстве Лесота стабілізаваўся мір, у справядлівасці і братэрстве”, - сказаў папа Францішак.

radiovaticana.va

Tagged under