Упершыню галоўныя елкі Гомеля ўпрыгожылі не савецкай, а Бэтлеемскай зоркай - ФОТА навінак
- Written by katolik-gomel.by
- Published in Навіны - Гомель
- Comments (2)
А вось купіць такую зорку ў крамах для ўпрыгожвання хатніх елак стала праблемай - выбару практычна няма.
15 снежня ў Гомелі запалілі святочную ілюмінацыю і галоўныя елкі горада. З новых фішак у афармленні вуліц - «зорнае неба» з гірлянд даўжынёй у некалькі сот метраў на праспекце Перамогі. А галоўнае новаўвядзенне - новая велізарная яркая Бэтлеемская зорка на 30-метровай елцы на цэнтральнай плошчы Леніна. У гэтым годзе ўслед за сталіцай і астатнімі гарадамі Беларусі пасля нарады з галоўным мастаком горада ў Гомелі нарэшце вырашылі замяніць савецкую зорку на сімвал хрысціянскага Раства.
Нагадаем, у мінулым годзе мы пісалі пра тое, што толькі ў Гомелі і Віцебску галоўныя елкі увянчалі савецкімі зоркамі - хоць пасля распаду СССР прайшло ўжо больш за 20 гадоў. Чырвоная зорка звычайна называлася «Марсавай зоркай» па імені старажытнарымскага бога вайны Марса, таму выкарыстоўваецца ў вайсковай і дзяржаўнай сімволіцы многіх краін, у тым ліку тых, дзе былі ўсталяваныя ваенныя дыктатуры.
Таксама Бэтлеемскай зоркай упрыгожаны 3D-елі на плошчы Перамогі і Прывакзальнай плошчы ў Гомелі. Гэтыя канструкцыі ўсталявала прадпрыемства «Комплекс-Партнёр». А савецкая зорка засталася толькі на адной елцы ў цэнтры горада - на плошчы Паўстання.
А вось набыць Бэтлеемскую зорку ў гомельскіх крамах для ўпрыгожвання хатніх елак стала праблемай - выбару практычна няма. Хаця гэта не так блага - змайстраваць такую зорку можна сваімі рукамі разам з усёй сям'ёй.
Related items
- Прыехалі ў касцёл на трох машынах: на Віцебшчыне затрымалі двух святароў
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні
- Ці ўступаць у піянеры, спыталі ў вернікаў – частка адказаў здзівіла
RSS-стужка каментароў гэтага запiсу