Будучым мамам Гомеля ўручаць падарункі-сюрпрызы ад дасведчаных мам

З 1 па 7 лістапада ў Гомелі праходзіць акцыя «Ад сэрца да сэрца», у рамках якой вопытныя мамы Гомеля сумесна са Школай мацярынства «Натхненне» падрыхтуюць і ўручаць будучым мамам падарункі-сюрпрызы.

«У кожнай дасведчанай мамы ёсць нешта, чым яна хацела б падзяліцца з будучымі мамамі. Гэта вельмі асабістае, схаванае, матчына. Гэта можа быць і нешта карыснае для цяжарнай мамы ў дадзены момант ці тое, што ёй спатрэбіцца пасля родаў для сябе або дзіцяці. Напрыклад, гэта можа быць кніга па цяжарнасці, родах, мацярынстве, якая дапамагла ёй у цяжкую хвіліну. Шкарпэткі і шапачка, якія мама звязала сама. Таксама гэта можа быць нешта творчае, створанае сваімі рукамі. Не абавязкова грандыёзнае, а нешта маленькае, але вельмі асабістае і схаванае. Прастор для выбару падарунка велізарны!», - распавядае пра ідэю акцыі яе каардынатар, шматдзетны бацька Марыян Голуб.

Акцыя будзе праходзіць у два этапы. Першы - гэта падрыхтоўка падарункаў-сюрпрызаў. З 1 па 6 лістапада любая мама Гомеля можа ўключыцца ў акцыю і падрыхтаваць падарунак-сюрпрыз. Калі ёсць жаданне, падарунак можна добра спакаваць. Гатовы падарунак можна прынесці арганізатарам акцыі па адрасе: вул. Працоўная 3а, трэці паверх.

Другі этап - гэта ўрачыстае ўручэнне падарункаў-сюрпрызаў. 7 лістапада з 11.00 мамы удзельніцы акцыі будуць раздаваць падарункі ўсім жадаючым будучым мамам. Уручэнне адбудзецца на «Мамзлёце» па адрасе вул. Ланге 17, ГКЦ. Акцыя «Ад сэрца да сэрца» будзе завершана ў момант ўручэння апошняга падарунка.

Гарачая лінія акцыі «Ад сэрца да сэрца» +375 29 963 72 42.