У Гомелі прайшло свята Першай Камуніі [ФОТА]
- Written by Katolik.life
- Published in Навіны - Гомель
- Add new comment
19 дзяцей упершыню дакрануліся да Жывога Езуса Хрыста.
3 чэрвеня 2018 гадоў ў гомельскай рымска-каталіцкай парафіі Нараджэння Божай Маці адбылася радасная падзея - свята Першай Камуніі. Цела і Кроў Езуса Хрыста ўпершыню прымалі 19 дзяцей, выхаванцаў Нядзельнай школы. На свята ў храм прыйшлі многія парафіяне, госці і, безумоўна, бацькі. Некаторыя з іх выхоўваюць ўжо па трое, чацвёра, пяцёра дзяцей.
- Бацькі зрабілі для вас самае галоўнае з таго, што маглі зрабіць: прывялі да Езуса Хрыста. А астатняе для вас зробіць Бог, калі будзеце верныя яму, - сказаў біскуп Казімір Велікаселец, які ўдзяліў сакрамэнт дзецям.
Пробашч парафіі кс. Юры Варанко нагадвае, што сустрэча з Хрыстом - гэта кожны раз велізарная радасць:
- Шануйце гэты дар - быць разам з Хрыстом. Гасподзь хоча, каб вы былі шчаслівымі, і праблема можа быць толькі адна, калі вы скажаце: «Стоп, у мяне ёсць свой план, як мне быць шчаслівым». Але калі даверыце Богу, каб Ён вёў вас тым шляхам, які Ён для вас абраў - Гасподзь ніколі вас не падвядзе, і вы сапраўды будзеце шчаслівыя.
Святар заклікаў прыходзіць у касцёл як мінімум кожную нядзелю, каб прымаць святую Камунію, каб быць з Богам, дзякаваць за Ягоную любоў. Пасля Імшы дзеці і дарослыя прайшлі па горадзе з урачыстай працэсіяй Божага Цела (гл. фота).
Прапануем таксама паглядзець лепшыя фота са свята Першай Камуніі, усяго іх больш за 50. Гартайце старонкі галерэі пад апошнім здымкам і клікайце па фатаграфіі, каб адкрыць яе цалкам.
Related items
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- У Беларусі ўвялі Дзень цяжарных: хто ініцыятар і чаму такія даты
- 9-месячную малітву аб ненароджаных дзецях пачалі ў Звеставанне католікі
- «Уразіла міласэрнасць». Што здзівіла ў Беларусі самотнага пілігрыма пасля Кітая і ЗША