Кафедральны касцёл у Кіеве прыняў параненых і зладзіў у храме шпіталь Еўрамайдана [відэа]
- Written by katolik-gomel.by
- Published in Навіны - Гомель
- Comments (1)
Папа Рымскі Францыск заклікаў спыніць гвалт ва Украіне і маліўся за ахвяраў сутыкненняў.
Пасля чарговых сутыкненняў у Кіеве расце колькасць забітых і параненых. Кафедральны каталіцкі касцёл святога Аляксандра, які знаходзіцца ў цэнтры ўкраінскай сталіцы, пусціў параненых і медыкаў Еўрамайдана ў храм, дзе наладзілі паўнавартасную аперацыйную. Святары і вернікі дапамагаюць даглядаць за пацярпелымі і ратаваць іх жыцці. Многія пратэстоўцы атрымалі агнястрэльныя раненні ад снайпераў. Таксама паведамляецца, што «Беркут» заблакаваў падыходы да Аляксандраўскай касцёлу і спрабуе прарвацца ў храм.
20 лютага стала вядома аб тым, што на Еўрамайдане ў Кіеве забіты выкладчык Украінскага каталіцкага універсітэта Багдан Сальчанік.
Напярэдадні на Майдан прыбыла фігурка Божай Маці Фацімскай. Усю ноч працягвалася малітва і заклікі да байцоў «Беркута» спыніць атакі. Святары трымалі іконы, пастаянна маліліся і заклікалі да сумлення сілавікоў.
У гэты час польскае аддзяленне Caritas збірае сродкі на куплю лекаў і прадуктаў для маючых патрэбу ва Украіне.
Нагадаем, Папа Рымскі Францыск заклікаў спыніць гвалт ва Украіне і маліўся за ахвяраў сутыкненняў.
Media
Related items
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Загадкавую смерць манахіні расследуюць у Гомелі
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
RSS-стужка каментароў гэтага запiсу