Хрысціяне святкуюць Вялікдзень: Хрыстос уваскрос, каб перавесці нас ад смерці да жыцця - ФОТА, ВІДЭА усяночнай
- Written by katolik-gomel.by
- Published in Навіны - Гомель
- Comments (6)
«Любоў, надзея і ўсе дары Духа святога - гэта плён слухання. Таму што Слова Бога мае вялікую сілу - змяніць нашыя сэрцы».
У ноч на 20 красавіка сотні гомельскіх каталікоў сабраліся разам, каб сустрэць Уваскрасенне Хрыстова. Многія прыйшлі ў гэтую ноч з дзецьмі, бо перадаць сваю веру дзецям - гэта абавязак кожнага хрысціяніна. І многія абрады адмыслова праводзіліся менавіта для маленькіх вернікаў.
Пачалася усяночная з Літургіі святла: каб дзецям было прасцей зразумець сэнс Уваскрэсення Хрыстова, які перавёў людзей ад смерці да жыцця, ад цемры да святла.
Вернікі пачулі дзевяць чытанняў: пра стварэнне свету, пра айца веры - Абрагама, пра зыход габрэяў з егіпецкага рабства, а таксама Слова Божае, дадзенае праз прарокаў і апосталаў, Евангелле пра Уваскрасенне Езуса. Перад кожным чытаннем дарослыя звярталіся да дзяцей, тлумачачы, пра што цяпер будзе казаць Бог, запрашалі слухаць Ягонае Слова.
Каб дапамагчы дзецям не спаць, іх сабралі перад алтаром выканаць песню пра тое, чаму ў гэтую ноч яны чуваюць.
- Галоўная Божая запаведзь: шэма, Ізраэль - слухай, Ізраіль! Гэта самае цяжкае - слухаць Бога. Гэта значыць, не толькі слухаць чытанні з Бібліі, але і глядзець, як Бог аб'яўляецца ў тваёй гісторыі: факты, падзеі. Народ Божы - той, які слухае Бога. А ад слухання нараджаецца вера. А ад веры - Жыццё Вечнае. І любоў, і надзея, і ўсе дары Духа святога. І самае галоўнае - любіць усім сэрцам Богам і блізкага. І гэта - плён слухання, паслухмянасці. Таму што Слова Бога мае вялікую сілу - змяніць нашыя сэрцы, - звярнуўся да вернікаў пробашч парафіі айцец Славамір Ласкоўскі.
Завяршылася начное чуванне Крыжовым ходам пад бой званоў. Святочная Святая Імша працягваецца ў нядзелю.
Media
Related items
- «Зробім каталіцкае ТБ». Два моцныя YouTube-праекты запусцілі святары і манахіня
- Другую ноч запар у Беларусі і не толькі назіраюць паўночнае ззянне
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
То, что кто-то там из известных нам политиков постоянно говорит о святой Руси и святом народе.
и что?
На Пасху жыхары мястэчка Параф’янава (Докшыцкі раён) пабачылі цікавую з’яву на небе. Вакол сонца, якое заходзіла, утварыўся німб святла, які формай нагадваў курынае яйка.
Німб атачалі два эліптычныя колы – больш выразнае ружовае і ледзь бачнае аранжавае.
Яйка на небе можна было бачыць на працягу пятнаццаці хвілінаў – з 19:50 да 20:05.
RSS-стужка каментароў гэтага запiсу