Гомельскіх каталікоў просяць дапамагчы хвораму дзіцяці

На адрас нашага сайта прыйшоў ліст ад маладой гамяльчанкі Таццяны Свірыдзенкі, маці трохгадовай Дашы. У дзяўчынкі страшная хвароба - рэтынабластома абодвух вачэй.

- Праводзілася прамянёвая тэрапія ў 2010 годзе ў Германіі, і пасля лячэння з'явілася надзея, якая дапамагае нам змагацца з хваробай і не апускаць рукі. У 2012 годзе мы звярталіся з просьбай аб дапамозе ў арганізацыі і прадпрыемствы, некаторыя з іх аказалі нам матэрыяльную падтрымку. Дадзенай дапамогай мы скарысталіся на працягу ўсяго года. На дадзеным этапе нам неабходна рэгулярнае назіранне спецыялістаў у Германіі на працягу яшчэ пяці гадоў, - распавядае Таццяна. - Вельмі цяжка даводзіцца матэрыяльна і цяпер. Я не магу выйсці на працу, таму што дзіця не ходзіць у дзіцячы сад. Увесь сямейны бюджэт ляжыць на плячах мужа, які зарабляе ніжэй сярэдняга ўзроўню па краіне. Вельмі спадзяемся на Вашу падтрымку і ўвагу. Просім вас аб дапамозе ў нялёгкай барацьбе за жыццё нашай адзінай дачушкі.

Больш падрабязная інфармацыя з нумарамі рахункаў для дапамогі размешчана на нашым форуме >>>