Амаль трэць служачых у Беларусі ксяндзоў запрошаныя з Польшчы
- Written by katolik-gomel.by
- Published in Царква
- Comments (1)
Леанід Гуляка мяркуе, што ўся праблема - у цэлібаце.
Каля 30% служачых у Беларусі каталіцкіх святароў запрошаныя з Польшчы, расказаў Упаўнаважаны па справах рэлігій і нацыянальнасцяў Леанід Гуляка.
- У праваслаўных практычна няма праблемы з забеспячэннем святарамі - прыкладна толькі 15 чалавек запрашаюцца з-за мяжы, а ў каталікоў гэтыя праблемы вельмі вялікія, - цытуе Леаніда Гуляку агенцтва БелТА. - З 430 працуючых у краіне ксяндзоў 126 запрошаных з Польшчы.
Леанід Гуляка мяркуе, што ўся праблема - у цэлібаце. Менавіта гэта прыцягвае ў каталіцкія духоўныя семінарыі ўсё менш моладзі:
- Гэта сёння сусветнае з'ява. Нават у каталіцкіх краінах існуе такая праблема. Паколькі сваіх кадраў у нас не хапае, даводзіцца запрашаць з-за мяжы, каб пры дзеючай супольнасці ў населеным пункце не зачыняць касцёл, - заявіў Упаўнаважаны па справах рэлігій і нацыянальнасцяў.
Адзначым, што, да прыкладу, у Гомельскім дэканаце Пінскай дыяцэзіі амаль усе пробашчы парафій - святары з Польшчы.
Related items
-
Святар распавёў пра здарэнне на трасе Мінск – Гродна і як яго ўратаваў Ружанец
-
Яшчэ адзін касцёл закрыюць у Мінску. Што пра гэта і іншыя балючыя пытанні распавялі біскупы Папе Рымскаму?
-
Знік самы папулярны ў сацсетках беларускі святар. Што здарылася?
-
Кранальныя відэа са святаром робіць беларуская парафія
-
«Спадзяюся, што людзі, даведаўшыся пра гэта, умацуюцца ў веры». З'явілася вестка ад ксяндза Акалатовіча
RSS-стужка каментароў гэтага запiсу