У 2015 годзе плануецца пачаць будаўніцтва другой чаргі Дзіцячай вёскі для сірот-інвалідаў
- Written by katolik-gomel.by
- Published in Карытас - Гомель
- Add new comment
У майстэрні будуць запрашаць не толькі тых дзяцей, якія жывуць у Дзіцячай вёсцы, але і ў сваіх сем'ях.
У гэтым годзе плануецца пачаць будаўніцтва другой чаргі Гомельскага дома-інтэрната для дзяцей-інвалідаў і маладых інвалідаў з асаблівасцямі псіха-фізічнага развіцця (Дзіцячай вёскі). Пра гэта распавёў першы намеснік старшыні камітэта па працы, занятасці і сацабароне Гомельскага аблвыканкама Леанід Мальчук:
- У будаўніцтва першай чаргі інтэрната ўкладзена каля трох мільёнаў еўра спонсараў, намячаецца ў наступным годзе пачаць другую чаргу, усе пытанні ўжо агавораны, у тым ліку са спонсарамі. Плануецца пабудаваць працоўныя майстэрні для рэабілітацыі, медблок і адміністрацыйны корпус.
Пробашч гомельскай рымска-каталіцкай парафіі айцец Славамір дадаў, што будаўніцтва плануюць пачаць, «калі Бог дасць». У майстэрні будуць запрашаць на рэабілітацыю не толькі тых дзяцей, якія жывуць у Дзіцячай вёсцы, але і ў сваіх сем'ях.
Унікальная для Беларусі Дзіцячая вёска была ўрачыста адкрыта 12 кастрычніка 2011 г. Інтэрнат пабудаваны з дапамогай Каталіцкай дабрачыннай міссіі "Карытас - Міласэрнасць" на грошы замежных дабрачынных арганізацый і вернікаў-католікаў з Германіі, Аўстрыі, Італіі і іншых еўрапейскіх дзяржаў. Вёска разлічана на пражыванне 60 хлопчыкаў і дзяўчынак ва ўмовах, максімальна набліжаных да сямейных. У такім асяроддзі, а таксама дзякуючы пастаянным дыдактычным і рэабілітацыйным заняткам, магчыма максімальна поўнае развіццё асобы. Чатыры асобных груп-сем’яў уключаюць па 15 чалавек. Звяном, якое злучае такую групу-сям’ю, з’яўляецца сястра-законніца Ордэна бэнэдыктынак-самарытанак Крыжа Хрыстова, яна разам з дапаможным персаналам клапоціцца аб належным клімаце выхавання і апякуе жыццё дзяцей. Дзейнасць хоспіса арганізавана пры падтрымцы абласнога камітэта па працы і сацыяльнай абароне насельніцтва.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў