Папа заступіўся за дзіця з Лондана, якому пагражае смерць
- Written by katolik-gomel.by
- Published in Папа Рымскі
- Add new comment
Суд пастанавіў адключыць 10-месячнага Чарлі ад медыцынскага абсталявання.
Кіраўнік Залы Друку Апостальскай Сталіцы апублікаваў паведамленне, у якім заявіў аб ватыканскай пазіцыі адносна справы Чарлі Гарда, 10-месячнага хлопчыка з заходняга Лондану, які павінен быць адключаны ад медыцынскага абсталявання, што падтрымлівае яго жыццё. Гэта павінна быць зроблена па рашэнні суда. Дзіця пакутуе ад надзвычай рэдкага і невылечнага генетычнага захворвання, якое вядзе да паступовай мускульнай атрафіі і разбурэння галаўнога мозга.
“Святы Айцец з любоўю і эмоцыямі сочыць за гісторыяй маленькага Чарлі Гарда і выказвае сваю блізкасць да яго бацькоў. Ён моліцца за іх, выказваючы надзею, што не будзе ігнаравацца іх жаданне, каб да канца была аказана дапамога і лячэнне іх дзіцяці”, - гаворыцца ў заяве Апостальскай Сталіцы.
Бацькі Чарлі Гарда просяць для свайго сына эксперыментальнага лячэння ў ЗША, аднак лонданскія медыкі лічаць, што гэта не прынясе вынікаў. Брытанскі суд пастанавіў спыніць штучнае падтрыманне жыцця Чарлі, а Еўрапейскі суд па правах чалавека пацвердзіў гэтае рашэнне.
На працягу 9 месяцаў змагання за жыццё хлопчыка ў краінах Еўропы была запушчана кампанія “Не забівайце Чарлі” (“Don’t kill Charlie”), адбываліся малітоўныя чуванні ў гэтай інтэнцыі. Больш за 83 тыс. чалавек ахвяравалі бацькам хлопчыка сродкі на яго лячэнне. Тым не менш, брытанскія медыкі і суд вырашылі па-іншаму.
Related items
-
Пра штучныя кветкі на могілках і немагчымасць наведаць магілы родных далі парады святары
-
Нечаканыя падрабязнасці руйнавання капліцы на Смаргоншчыне распавёў мясцовы жыхар
-
У пілігрымцы ў Рым беларускія католікі не выкарыстоўвалі сімволіку краіны
-
Беларусь «не павінна адчуваць сябе ізаляванай, адкінутай» – Папскі пасланнік
-
Скандзіравалі «Беларусь!» перад Папам, пачулі пра сваю місію, перажылі гістарычную падзею: 500 беларускіх католікаў у Рыме