У ЗША людзі прыходзяць у цэрквы з дапамогай Pokemon Go
- Written by katolik-gomel.by
- Published in Соцыум
- Add new comment
Гульцоў, якія шукаюць пакемонаў у храмах, запрашаюць знайсці Хрыста.
Гульня для мабільных гаджэтаў Pokemon Go, якая выйшла ў гэтым месяцы, хутка стала міжнародным культурным феноменам. Гульцам трэба шукаць «кішэнных монстраў» у розных кропках свайго горада, у сувязі з чым вялікія групы людзей з'яўляюцца то на рэцэпшэнах офісаў розных кампаній, то ў музеях, а часам і ў святынях.
У сувязі з гэтым святары і касцёльныя моладзевыя групы шукаюць магчымасці пераканаць гасцей затрымацца ў касцёлах і падумаць не толькі пра пакемонаў (скарачэнне ад pocket i monster — «кішэнны монстр»).
Ксёндз Томас Келер з парафіі Унебаўзяцця Найсвяцейшай Панны Марыі ў графстве Сен-Луіс (штат Місуры, ЗША) спачатку не мог зразумець, адкуль вакол касцёла ўзяліся дзясяткі новых людзей.
«Мы заўважалі, як людзі ходзяць побач, спыняюцца машыны. На наступны дзень мы зразумелі, што ў нас тут ловяць пакемонаў. Я паразмаўляў з прыемнай парай, якая гуляла з дзіцячым вазком, і яны мне ўсё распавялі», — кажа святар.
29-гадовы вікарый парафіі ксёндз Давід Мілосця ў школе сам гуляў у пакемонаў і далучыўся да групы падлеткаў, якія збіралі маленькіх монстраў.
«Я размаўляў з некаторымі хлопцамі мінулым вечарам на паркоўцы. Яны былі рады, што Касцёл звяртаецца да іх і на мове гульняў. Гэта дае магчымасць асабістага кантакту», — распавядае святар.
Часта святары і супрацоўнікі касцёлаў не ведаюць, што іх святыня стала кропкай збору пакемонаў, пакуль не прыходзяць гульцы. Многія парафіі стараюцца зразумець, як кантактаваць з гасцямі, адначасова захоўваючы спакой у касцёлах.
Гэтак семінарыст Джон Пол Хайслер распавёў пра групу гульцоў, якія прыйшлі ў парафію Нараджэння Пана ў горадзе Бурк (штат Вірджынія) падчас Імшы.
Джуліяна Стэнц, якая ўзначальвае дэпартамент па новай евангелізацыі ў дыяцэзіі Грын-Бэй (штат Вісконсін), разам з калегамі распрацавала спецыяльны даведнік па Pokemon Go для парафій — у ім распавядаецца пра сюжэт гульні, асноўныя паняцці, а таксама пра тое, як варта рэагаваць на тыя ці іншыя дзеянні гульцоў на касцёльнай зямлі. www.gbdioc.org/images/Pokevangelization.pdf
Ксёндз Патрык Поўзі з парафіі Святога Якуба ў горадзе Фолз Чорч у тым жа штаце зрабіў абвестку для парафіян, паведаміўшы ім пра тое, што парафія стала месцам аж 6 кропак збору пакемонаў.
Святар запрасіў гульцоў у парафію, аднак папрасіў іх паважаць касцёл і спакой парафіян. Ён таксама заклікаў гульцоў адзначыць парафіяльнае свята святога Якуба 25 ліпеня, пасля якога вернікі і госці змогуць пачаставацца марозівам.
«Будзем спадзявацца, што калі-небудзь чалавек знойдзе пакемона, а потым увойдзе ў касцёл і знойдзе Хрыста», — кажа ў газеце Arlington Catholic Herald ксёндз Патрык Поўзі.
Related items
-
«Ён не прасіў аб адстаўцы». Парафіяне – аб звальненні пробашча Чырвонага касцёла
-
Не толькі аўто. У касцёлах масава асвячаюць транспартныя сродкі
-
Васільковы шлюб па-каталіцку: фота стылёвага вянчання паказалі ў Будславе
-
«Гэта ікона здзяйсняе жаданні». БелСМІ маніпулюе рэлігіяй, каб сабраць лайкі
-
Фота дня: рака людзей у Гудагаі + топ-5 лепшых здымкаў фэсту