Лекараў у Беларусі абавяжуць схаваць іконы і крыжыкі
- Written by katolik-gomel.by
- Published in Соцыум
- Comments (1)
Міністэрства аховы здароўя рыхтуе пастанову аб медыцынскай этыцы медперсаналу.
Праект пастановы Міністэрства аховы здароўя Беларусі «Аб зацвярджэнні Норм медыцынскай этыкі і дэанталогіі» апублікаваны для грамадскага абмеркавання. Заўвагі і прапановы па праекце пастановы Міністэрства аховы здароўя просіць накіроўваць ва ўпраўленне кадравай палітыкі на электронны адрас dobrovolskaya@belcmt.by да 29 снежня 2016 года, паведамляе Міністэрства.
Дакумент змяшчае пералік патрабаванняў да стасункаў з пацыентамі і да знешняга выгляду медработнікаў і фармацэўтаў. Гаворыцца, што персанал медустаноў павінен кіравацца такімі маральна-этычнымі нормамі як гуманнасць, ветлівасць, спачуванне, павага, талерантнасць, стрыманасць, дэмакратычнасць.
У той жа час медработнік павінен быць палітычна нейтральным і цалкам выключыць магчымасць якога-небудзь уплыву палітычных партый ці грамадскіх арганізацый на рашэнні, што прымаюцца.
Асобна прапісаны патрабаванні да знешняга выгляду: халат павінен прыкрываць 2/3 сцягна, прычоска павінна быць акуратнай, манікюр - стрыманым, без нарошчвання пазногцяў, доўгія валасы - сабраныя. Не дапускаецца нашэнне медыцынскага адзення з празрыстай тканіны, спартыўнага адзення, шыйных хустак, шалікаў, буйных ювелірных упрыгожванняў і біжутэрыі, а таксама пляжнага і няўстойлівага абутку, у тым ліку на высокім абцасе. Медработнікам забароняць выкарыстоўваць і яркую касметыку, парфумерыю з рэзкім пахам.
У дакуменце прапісана і забарона на «відавочную дэманстрацыю сваёй рэлігійнай прыналежнасці, адкрытае нашэнне рэлігійных знакаў і сімвалаў». Калі гэтыя пункты застануцца ў пастанове, не вядома, як іх выкананне будуць патрабаваць на практыцы. Бо большасць беларусаў - хрысціяне, і многія лекары захоўваюць на сваіх сталах і ў кабінетах іконы святых, носяць нацельныя крыжыкі.
Related items
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам
- Над дамамі і храмамі: здымкамі яркага палярнага ззяння дзеляцца ў сетках
RSS-стужка каментароў гэтага запiсу