Беларусам прапануюць тры варыянты полу пры падачы дакументаў на візу
- Written by katolik.life
- Published in Соцыум
- Comments (2)
Анкетныя дадзеныя патрабуюцца пры запісе на падачу заявы на атрыманне візы.
Пры запісе на падачу дакументаў на атрыманне шэнгенскай візы беларусам прапануюць абраць свой пол з трох варыянтаў: мужчынскі, жаночы або «іншыя». Атрымаць візу грамадзяне Беларусі могуць праз візавыя цэнтры Літвы, Польшчы і іншых краін Еўразвяза, якія працуюць з сістэмай запісу VFS Global. Кампанія мае прадстаўніцтва ў 129 краінах і больш за 2,3 тыс. цэнтраў па ўсім свеце.
Пры запісе на падачу заявы на атрыманне візы кліенты павінны ўнесці ў сістэму VFS Global свае анкетныя дадзеныя, у прыватнасці, абраць пол з трох варыянтаў. Адзначым, што пры запаўненні візавай анкеты ў іншай сістэме для выбару полу па-ранейшаму прадстаўлены два традыцыйных варыянты.
У Беларусі афіцыйна прызнаюцца два пола - мужчынскі і жаночы. У той час як у некаторых краінах Еўропы спіс варыянтаў полу пашыраны, а ў цэлым ЛГБТ-супольнасць распрацавала 54 варыянтаў «гендэрнай ідэнтычнасці», што супярэчыць натуральнай прыродзе чалавека і хрысціянскаму вучэнню.
Арцыбіскуп Тадэвуш Кандрусевіч лічыць, што паняцце «гендар», пад якім разумеюць свабодны (у залежнасці ад культурных абставінаў) выбар чалавекам свайго полу, вядзе да пагрозы знікнення ідэнтычнасці мужчыны і жанчыны, да адмаўлення ад паняцця традыцыйнай сям’і, якая складаецца з бацькі, маці і дзяцей, а таксама да легалізацыі гомасексуальных саюзаў з правам усынаўлення дзяцей.
Related items
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
RSS-стужка каментароў гэтага запiсу