«Радыё Марыя» ладзіць акцыю: адпраў фотамагніт бабулі

Да дня бабуль, які адзначаецца 28 кастрычніка, беларуская каталіцкая радыёстанцыя ладзіць акцыю «Паштоўкі Радыё Марыя». Менавіта праз яе РМ прапануе даслаць словы падзякі, любові і пяшчоты бабулям - на фотамагніце.

Як гэта працуе?

Да 25 кастрычніка (уключна) можна даслаць на пошту «Радыё Марыя» radiomariaby@gmail.com сваю заяўку, якая павінна ўключаць:

1) Імя і прозвішча бабулі.

2) Паштовы адрас бабулі.

3) Ваша імя і кантактны нумар тэлефона для адваротнай сувязі.

4) Тэкст подпісу, які будзе размешчаны пад фотаздымкам.

5) Фотаздымак, які будзе размешчаны на фотамагніце.

Каманда «Радые Марыя» апрацуе ўсе заяўкі і ў выніку падрыхтуе для кожнай бабулі:

- фотамагніт з Вашым подпісам

- паштоўку з віншаваннем

- тэкст малітвы за дарослых дзяцей і ўнукаў

Увечары 26 кастрычніка ўсе віншаванні будуць адпраўлены бабулям праз «Белпошту».

Колькі гэта будзе каштаваць?

- Мы будзем удзячныя за кожнае ахвяраванне, якое Вы вырашыце скласці праз сістэму WebPay на нашым сайце www.radiorm.by, - гавораць у адміністрацыі радыёстанцыі. - І маем надзею, што ўжо 28 кастрычніка многія бабулі атрымаюць “Паштоўкі Радыё Марыя”, і ў іх сэрцах узнікне радасць, а на тварах - усмешка!