BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Фестываль «Магутны Божа» ў Магілёве адмянілі. У чым прычына?

Мерапрыемства праводзілася з 1993 года і аб'ядноўвала больш за 900 салістаў і творчых калектываў з розных краін

У 2021 годзе ў Магілёве павінен быў праходзіць традыцыйны Міжнародны фестываль духоўнай музыкі «Магутны Божа». У апошні час фестываль ладзіўся раз на два гады, папярэдні арганізоўвалі ў 2019 годзе, і па плане XXIV фестываль павінен быў прайсці ў 2021 годзе. Звычайна мерапрыемства праходзіла вясной ці летам, аднак да 30 жніўня інфармацыі пра фестываль так і не з'явілася.

Як даведаўся Katolik.life, на гэты год фестываль не запланаваны. Пра прычыну адмены арганізатары нічога не змаглі паведаміць. Наўрад ці ёй мог стаць каранавірус - бо іншыя святы і фестывалі, у тым ліку «Славянскі базар у Віцебску», праходзілі.

«Магутны Божа» праводзіўся з 1993 года, яго мэтамі ставілася адраджэнне духоўнай культуры на хрысціянскім падмурку, умацаванне і пашырэнне міжнародных сувязяў, аб'яднанне і ўзаемнае духоўнае ўзбагачэнне з дапамогай музыкі.

Мерапрыемства аб'ядноўвала больш за 900 салістаў і творчых калектываў з розных краін, у праграме былі конкурсы вакалістаў і харавых калектываў, духоўныя спектаклі, свята звонавай музыкі, канцэртныя выступленні. Таксама ладзіліся канферэнцыі, на якіх абмяркоўваліся актуальныя пытанні рэлігіі і веравызнання, узаемадзеяння Царквы і дзяржавы.

Фестываль назвалі па вершу «Магутны Божа» Наталлі Арсенневай, які лёг у аснову беларускага духоўнага гімна. Да нядаўняга часу гэтая песня-малітва шырока выконвалася як у Праваслаўнай, так і ў Каталіцкай цэрквах.

Media

Last modified onПанядзелак, 30 Жнівень 2021 12:42
Каментары   
+1 #1 Дарья 2021-08-30 16:26
Причина очевидна, к сожалению. В самом названии.
Цытаваць | Паведаміць мадэратару
Дадаць каментарый

Ахоўны код
Абнавіць