BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

«Ніхто не дапамагае абыходзіць санкцыі». Ксёндз адрэагаваў на абвінавачванні

Паводле пробашча стаўпецкай парафіі, праз кампанію «АЛІС МА» рэалізуюцца многія каталіцкія праекты. Святар супраць санкцый у дачыненні бізнэсоўца Аляксандра Зайцава.

Многіх вернікаў збянтэжыла навіна, якую распаўсюдзілі ўвечары 21 красавіка, з абвінавачваннем пробашча каталіцкай парафіі ў Стоўбцах у тым, што ён дапамагае беларускаму бізнэсоўцу Аляксандру Зайцаву абыходзіць эканамічныя санкцыі Еўразвяза. Сцвярджаецца, што ксёндз Ігар Лашук заснаваў кампанію «АЛІС МА», на якую ўладальнікі кампаніі «Брэміна Груп» перапісалі частку маёмасці.

У сувязі з гэтым Katolik.life прадаставіў слова ксяндзу Ігару Лашуку, пробашчу парафіі святога Казіміра ў Стоўбцах:

«Пішуць адразу абвінавачванні ў мой бок, а пры гэтым не ведаюць і не даследавалі нічога. Гэта шоў. Мяркую, што ніякага даследавання не было, проста загадзя было напісана і трэба было пазваніць і адрапартаваць, што справа зроблена», – лічыць святар.

Ён перакананы, што на яго ліецца хлусня:

«Зрабілі сенсацыю: святар дапамагае санкцыі абыходзіць, бо ён ведае вельмі добра пана Аляксандра і добра пра яго кажа. А як я павінен казаць пра чалавека, які шчыра і ад сэрца дапамагае Каталіцкаму Касцёлу? У нас такіх як пан Аляксандр амаль няма. Я быў супраць санкцый ў дачыненні яго асабіста, бо ведаў, што ён робіць, і я супраць санкцый ўвогуле. Гэта не правільна. Цяпер я не дзіўлюся з ілжы, якая беспадстаўна льецца на мяне, і якая лілася на пана Аляксандра».

Паводле ксяндза Ігара, праз кампанію «АЛІС МА» рэалізуюцца многія каталіцкія праекты:

«Мы шмат каталіцкіх праектаў рабілі і робім, дзякуючы "крылам Міхала Арханёла" АЛІС МА. І таму злы дух пераследуе, але ж Хто як Бог [пераклад імя Міхал з іўрыту]. Калісьці мы апавядзем пра гэтыя справы».

Наш канал в Telegram – только важное. Подписаться >

Таксама святар падкрэсліў:

«Ніхто нікому не дапамагае абыходзіць санкцыі, яны самі сябе абыходзяць. Калі ты ведаеш і маеш зносіны з асобамі, якіх "памецілі санкцыямі", то разам з імі трапляеш туды? Дзіўна. Усе, хто займаецца бізнесам у Беларусі, ведаюць адзін аднаго. Дык што? Трэба думаць пра людзей, а не нішчыць – ці яны багатыя, ці бедныя. Але ўсё, што ні робіцца, усё да лепшага. Малюся за ўсіх, хто на мяне па-рознаму піша і кажа – усе яны павінны збавіцца».

Last modified onСубота, 22 Красавік 2023 10:24
Дадаць каментарый

Ахоўны код
Абнавіць