За памерлую пасля згвалтавання ў Варшаве беларуску моляцца вернікі
- Written by KATOLIK.LIFE
- Published in Соцыум
- Add new comment
Трагедыя моцна ўразіла многіх беларусаў, шмат малітоўных просьбаў з'явілася ў сацсетках.
Згвалтаваная ў Варшаве беларуска памерла ў рэанімацыі. Пра смерць 25-гадовай Елізаветы, на якую жорстка напалі ў цэнтры польскай сталіцы, стала вядома 1 сакавіка. Прычынай смерці жанчыны, ураджэнкі Мінскай вобласці, якія пражывала ў Варшаве, стала гібель мозгу.
25 лютага ў цэнтры гораду беларуску знайшлі без прытомнасці са слядамі ўдушэння. Яе рэанімавалі і ў крытычным стане даставілі ў шпіталь, аднавілі работу сэрца. Аднак вывесці жанчыну з комы медыкі не змаглі – першапачаткова паведамлялася пра тое, што шансаў на аднаўленне дзейнасці мозгу практычна няма.
Невядома, ці была Елізавета веруючай, аднак тое, што з ёй адбылося, моцна ўразіла беларускіх вернікаў, многія з якіх паведамілі ў сацыяльных сетках пра малітву за збаўленне яе душы і вечнае жыццё. Шмат каментароў з малітвамі пакінулі таксама на старонцы Елізаветы ў Instagram, прасіў аб малітве і яе хлопец.
Раней за некалькі дзён беларусы сабралі звыш 100 тысяч даляраў на лячэнне жанчыны.
Наш канал в Telegram – только интересное и важное. Подписаться >
Related items
- Не толькі аўто. У касцёлах масава асвячаюць транспартныя сродкі
- Шлях да Радзімы з Богам – беларусы замежжа праводзяць «дарослую» пілігрымку
- Фота дня: рака людзей у Гудагаі + топ-5 лепшых здымкаў фэсту
- «Што немагчыма для людзей...» Дзяржсакратар Ватыкана патлумачыў, для чаго прыбыў ва Украіну
- Натхняльныя відэа з урачыстасцяў у Тракелях апублікаваў святар