«Яго тут няма». Онлайн-краму адзення з хрысціянскім мерчам адкрылі ў Мінску

Новая хрысціянская анлайн-крама, якая спецыялізуецца на адзенні, з'явілася ў Мінску. Аўтары праекта паведамілі пра сябе, што яны — «незалежная супольнасць сяброў-хрысціян, якія вырашылі несці святло ў штодзённасці праз рэчы».

Сваю старонку аўтары назвалі «Ласка і Хвала» і ўказалі свой дэвіз: «Насі мерч, нясі святло».

Пакуль крама прапануе толькі цішоткі, коштам у 80 рублёў, выпушчаныя да Вялікадня — з дастаўкай па Мінску і ўсёй Беларусі. Першыя пакупнікі адзначаюць добрую якасць шыцця і прынта (спасылка на Instagram ніжэй).

Адметна, што ёсць два моўныя варыянты «велікодных цішотак» з цытатай з Евангелля паводле Лукі, аформленай у выглядзе крыжа, — руская і беларуская.

«Мы хацелі б, каб вестка пра ўваскрасенне гучала на роднай для беларусаў мове», — патлумачылі аўтары.

Нагадаем, у Беларусі ёсць і іншыя хрысціянскія інтэрнэт-крамы: «Кропля», «Добры Пастыр», «Marta Home».

Наш канал в Telegram – только интересное и важное. Подписаться >