Чым займаліся ў касцёлах Віцебшчыны, паказалі расійскія мастакі

Удзельнікі расійскай Асацыяцыі мастакоў пленэрыстаў працягваюць дзяліцца на сваіх старонках уражаннямі ад паездкі ў Беларусь, якая адбылася ў чэрвені. Мастакі ўпершыню правялі міжнародны пленэр у Пастаўскім раёне – па ініцыятыве яго ўраджэнкі Людмілы Курыловіч, сябра расійскай асацыяцыі.

На працягу 5 дзён пленэрысты напісалі больш за 150 карцін, у тым ліку, з каталіцкімі храмамі ў Паставах, Лынтупах, Лучаі, Камаях, а таксама ў Глыбокім. Затым у Паставах прайшла выстава, частку работ пакінулі тут для пастаяннай экспазіцыі, яшчэ частку падарылі мясцовым сацыяльным установам.

Акрамя таго, мастакі зладзілі майстар-класы для мясцовых дзяцей – вучняў Пастаўскай мастацкай школы.

На сваіх старонках расійскія мастакі апублікавалі фота з пленэра, здымкі сваіх работ, а таксама распавялі пра багатую гісторыю касцёлаў, у якіх яны пабывалі, падзяліліся ўражаннямі:

«Якія яны ўсе розныя і незвычайныя! Касцёл у Лучаі ўразіў сваёй прыгажосцю: знешняй, унутранай, кветнікамі з півонямі, па-дызайнерску аформленай тэрыторыяй. Касцёлу святога Тадэвуша гадоў 200, але ўнутры ён як новенькі. Роспісы рабілі мастакі з Вільні, надзвычай прыгожа!», – напісала Нона Калугіна.

Наш канал в Telegram – только интересное и важное. Подписаться >