BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

«Сялянка», «Ля касцёла»: беларускія муралы стварае мастак з Валожына

У райцэнтры ўжо з'явіліся графіці ў гонар Вінцэнта Дуніна-Марцінкевіча і Фердынанда Рушчыца. Відэа пра аўтара выпусціла творчае аб'яднанне, якое папулярызуе беларускую культуру.

На будынку раённай бібліятэкі ў Валожыне з'явіўся мурал у гонар беларускага пісьменніка і драматурга, класіка беларускай літаратуры Вінцэнта Дуніна-Марцінкевіча. Аўтар карціны – ураджэнец райцэнтра, які займаецца прафесійным манументальным роспісам сцен Уладзімір Сайко. Графіці прысвечана твору класіка «Сялянка».

Акрамя таго, у Валожыне з'явіўся мурал у гонар беларускага мастака Фердынанда Рушчыца і прысвечаны яго карціне «Ля касцёла». Гэта яшчэ адна работа Уладзіміра Сайко.

«Мурал вялікаму беларускаму класіку і песняру Вінцэнту Дуніну-Марцінкевічу – у маім родным горадзе. Каб усе бачылі і ведалі, колькі ён зрабіў для беларускай нацыі. Гэта вельмі важна, і я рады, што далучаюся да такіх рэчаў. Яны для мяне родныя, блізкія. Беларуская культура – гэта наша культура. Гэта культура, з якой мы нарадзіліся, і я ў тым ліку. І я рады, што ствараю ў гэтым кірунку свае манументальныя роспісы», – кажа мастак у прома-роліку [глядзіце ніжэй]

Цікава, што відэа пра Уладзіміра Сайко выпусціла творчае аб'яднанне S+s з Маладзечна. На канале гэтага аб'яднання выкладваюць арыгінальныя кароткаметражныя фільмы. Адзін з іх – «Дзякуй» – пра бацькоў, сям'ю і вёску, зняты ў 2023 годзе 17-гадовым Сцяпанам Сцепаненка разам са сваім бацькам і гуртом КаЅ. Гэты калектыў аб'ядноўвае «простых людзей, якія гараць творчасцю з беларускім каларытам» і перыядычна ладзіць канцэрты ў вялікіх залах [глядзіце ніжэй]

Media

Last modified onНядзеля, 16 Чэрвень 2024 15:40
Дадаць каментарый

Ахоўны код
Абнавіць