Топ-5 фота: у Беларусі адзначылі Дзяды

Лістапад 2, 2024
Written by KATOLIK.LIFE
Published in Соцыум
Add new comment

Многія каталіцкія парафіі прайшлі працэсіямі на могілкі, а ў Гомелі маліліся на месцы масавых расстрэлаў рэпрэсаваных.

Дзмітрыеўская бацькоўская субота ў праваслаўных сёлета прыпадала на тую ж дату, што і Дзень памяці памерлых у католікаў – 2 лістапада. У беларусаў гэтае свята мае народную назву «Дзяды» і да 1998 года яно было выходным, пакуль гэта не было скасавана ўказам прэзідэнта.

У гэты дзень, а католікі таксама напярэдадні – 1 лістапада, ва ўрачыстасць Усіх святых – беларусы масава наведвалі могілкі і моліліся за памерлых. Многія каталіцкія парафіі прайшлі працэсіямі на могілкі – там святары правялі набажэнствы, благаславілі магілы асвечанай вадой.

У Гомелі традыцыйна 2 лістапада католікі маліліся ля крыжа на Чарнігаўскай шашы – на месцы масавых расстрэлаў падчас савецкіх палітычных рэпрэсій, дзе былі забіты, у тым ліку, каталіцкія і праваслаўныя святары, свецкія вернікі.

Фота са старонак парафій у Варнянах, Смаргоні, Гудагаі і Сяргея Сурыновіча.