Нарэшце: старадаўні касцёл на Віцебшчыне, лёс якога хвалюе грамадскасць, пачалі ратаваць
- Written by KATOLIK.LIFE
- Published in Соцыум
- Add new comment
Тры гады ўлады вялі збор ахвяраванняў на кансервацыю храма.
Ва Ушацкім раёне маюць намер прыступіць да кансервацыі руін каталіцкага храма і кляштара XVIII стагоддзя. Гэта касцёл святой Веранікі ў вёсцы Селішча, якому сёлета спаўняецца 300 гадоў — яго пабудавалі ў 1726 годзе. А таксама — манастырскі корпус бернардынаў. Гэты комплекс – адны з самых вядомых у Беларусі руін, якія папулярныя сярод турыстаў.
Касцёл – помнік архітэктуры позняга барока, 3-нефавая базыліка, і кляштарныя сцены прызнаныя гісторыка-культурнай каштоўнасцю, таму клапаціцца аб іх захаванасці павінна дзяржава.
Але грошай на гэта ў мясцовых органаў улады не было, і яшчэ ў 2023 годзе быў адкрыты дабрачынны рахунак для збору ахвяраванняў на захаванне храма. Зараз, нарэшце, пачынаюцца работы па падрыхтоўцы кансервацыі.
Як мы заўважылі, у канцы траўня Ушацкі райвыканкам правёў закупку паслугі па складанні каштарысу па праграме работ на кансервацыю гэтай гісторыка-культурнай каштоўнасці ў Селішчы. Гэта значыць, выканаўца павінен падлічыць, у колькі абыдуцца працы, і пасля гэтага — калі грошай хопіць — пачнецца кансервацыя.
Якую суму ахвяраванняў сабралі ўлады амаль за тры гады, пакуль не паведамлялася. Пытанне захавання гэтага велічнага храма не раз абмяркоўвалася ў сацсетках, высокая цікавасць да гэтай тэмы паказвала, што лёс касцёла хвалюе грамадскасць. Некаторыя актывісты паведамлялі, што пісалі звароты ва Ушацкі райвыканкам з просьбай аб кансервацыі руін.

Зараз, мяркуючы па апошніх водгуках турыстам, храм працягвае разбурацца, сцены руйнуюцца, з іх падае цэгла — заходзіць унутр і знаходзіцца побач з будынкамі небяспечна.
Аналагічная сітуацыя з іншым вядомым закінутым касцёлам – святога Мікалая ў вёсцы Княжыцы. У канцы 2025 года Магілёўскі райвыканкам аб'яўляў аб зборы ахвяраванняў для кансервацыі гэтых руін.
Media
Related items
-
Паглядзіце на католікаў у сталіцы Башкартастана – там пабудуюць першы каталіцкі храм
-
Выпускнікі прыйшлі ў касцёлы, каб падзякаваць Богу і папрасіць дабраславення
-
Уратаваць капліцу. У сацсетцы задалі пытанне – мы знайшлі адказ
-
Рамонт Чырвонага касцёла ў Мінску быў прыпынены. Чаму – даведаліся вернікі
-
Як у новым касцёле Гродна стваралі галоўную ікону з тысяч каменьчыкаў, паказаў майстар