Святы Пасад выдаў спецыяльную заяву па Украіне
- Written by katolik-gomel.by
- Published in Царква
- Add new comment
Папа неаднаразова заклікаў усе бакі канфлікту да міру, а вернікаў да малітвы.
“Святы Пасад уважліва сочыць за крызіснымі сітуацыямі ў розных частках свету, у тым ліку ва ўсходніх рэгіёнах Украіны”, - гаворыцца ў спецыяльнай заяве кіраўніка Залы Друку Святога Пасаду, кс. Фэдэрыка Ламбардзі. Ён нагадаў, што Папа неаднаразова заклікаў усе бакі канфлікту да міру, а вернікаў да малітвы. Пантыфік таксама падкрэсліваў неабходнасць аднаўлення перамоў як адзіна магчымага выхаду “з логікі ўзмацнення абвінавачванняў і рэакцый”.
Кс. Ламбардзі прызнаўся, што матывам яго заявы сталі “розныя тлумачэнні” слоў Папы. Ён нагадаў, што Францішак звяртаўся “да ўсіх зацікаўленых бакоў” і падкрэсліваў неабходнасць дасягнення агульнай згоды, спасылаючыся на прынцыпы міжнароднага права.
Прадстаўнік Апостальскай Сталіцы нагадаў, што 16-21 лютага 2015 г. у Рым з візітам “ad limina Apostolorum” прыедзе ўкраінскі епіскапат. Гэта стане яшчэ адной нагодай для атрымання “непасрэднай інфармацыі аб становішчы гэтай дарогай краіны, каб суцешыць Касцёл, і тых, хто пакутуе, а таксама знайсці разам шляхі паяднання і міру”.
Related items
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну
- Новага біскупа ў Беларусі прызначыў Папа Рымскі на незвычайную пасаду
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў