Малітоўная сустрэча моладзі прайшла ў Івянцы - ВІДЭА-трансляцыя

Малітоўная сустрэча моладзі ў Івянцы, якая праходзіць 24-26 ліпеня пад тэмаю «Маё асабістае навяртанне», парадуе ўдзельнікаў цікавай і насычанай праграмай.

Дзве канферэнцыі правядуць госці з Польшчы — музычны гурт «Божая банда былых бандытаў», пройдзе 7 тэматычных круглых сталоў, праўда, у адзін час, таму для тых не валодае ўласцівасцю святога а. Пія — білакацыі, трэба будзе выбраць найбольш цікавы для сябе і толькі адзін.

Яшчэ вельмі важным момантам сустрэчы з’яўляецца магчымасць асабістага спаткання з Богам падчас споведзі, ва Эўхарыстыі, на адарацыі.

На сустрэчу моладзі, якую арганізуе Мінска-Магілёўская архідыяцэзія, запрашаюцца хлопцы і дзяўчаты з усёй Беларусі.

Відэа-трансляцыі асноўных частак праграмы ў прамым эфіры праводзіць Сatholic.by, таксама ўсе трансляцыі можна глядзець ўнізе гэтай старонкі пасля праграмы сустрэчы. 

Праграма:

24 ліпеня:

• 15.00 — пачатак рэгістрацыі ўдзельнікаў
• 17.30 — падрыхтоўка да святой Імшы
• 18.00 — святая Імша, якую ўзначаліць дапаможны біскуп Мінска-Магілёўскай архідыяцэзіі Аляксандр Яшэўскі SDB
• 19.30 — вячэра
• 20.30 — сустрэча моладзі, выступленне гурта «Рыбы»
• 21.45 — канцэрт «Музычнай майстэрні»
• 23.00 — вячэрняя малітва — Апэль
• 23.15 — адпачынак

25 ліпеня:

• 8.30 — сняданак
• 9.30 — ранішняя малітва — Ютрань
• 10.00-10.45 — канферэнцыя на тэму навяртання і пакаяння (а. Міхаіл Цвячкоўскі МІС)
• 10.45-11.00 — пытанні да дакладчыка
• 11.00-11.30 — перапынак
• 11.30-12.45 — канферэнцыя, якую праводзяць госці з Польшчы — гурт «Божая банда былых бандытаў»
• 12.45-13.15 — пытанні
• 13.30-14.00 — дыялог з біскупамі
• 14.00-15.00 — абед, адпачынак
• 15.00-16.00 — круглыя сталы:
• «Цудоўна быць скаўтам» — а. Лех Баханэк
• «Глядзець на сусвет праз Божы аб'ектыў» — Віктар Малышчыц
• «Здаровае сексуальнае выхаванне ў сям'і» — Уладзіслаў Валаховіч
• «Як пісаць рэпартажы пра падзеі ў Касцёле» (майстар-клас) — кс. Аляксандр Улас
• «Я не ўмею прабачыць! Што мне зрабіць?» — а. Аляксандр Жарнасек MIC
• «Як Бог кліча сёння» — сустрэча з кансэкраванымі асобамі — а. Міхаіл Цвячкоўскі MIC
• «Амулеты і талісманы, якія мяне не збавяць» — кс. Раман Суша
• 16.00-17.00 — справаздача па працы круглых сталоў
• 17.00-18.00 — канферэнцыя, якую праводзяць госці з Польшчы — гурт «Божая банда былых бандытаў»
• 18.00-19.00 — пакутнае набажэнства і споведзь
• 19.00-19.30 — падрыхтоўка да святой Імшы
• 19.30 — святая Імша, якую ўзначаліць дапаможны біскуп Мінска-Магілёўскай архідыяцэзіі Юрый Касабуцкі
• 20.30-21.00 — вячэра.
• 21.00-23.00 — канцэрт гуртоў “Laudans” і “Parakletos”
• 23.30-1.30 — адарацыя Найсвяцейшага Сакрамэнту
• 2.00 — адпачынак

26 ліпеня:

• 8.30 — сняданак
• 9.00 — Гадзінкі да Божай Маці
• 9.30 — падрыхтоўка да святой Імшы
• 10.00 — святая Імша, якую ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч
• 12.00 — абед