У Росіцу накіравалася першая пілігрымка

Жнівень 1, 2015
Written by katolik-gomel.by
Published in Царква
Add new comment

Урачыстасці на месцы гібелі святароў пройдуць 7-8 жніўня.

Пешая пілігрымка Барысаў - Росіца пачалася 31 ліпеня і правядзе тыдзень у шляху. 4 жніўня ў Росіцу выйдуць пілігрымы з Полацка, а 5 жніўня - з Друі.

Айцы марыяне, як і штогод, запрашаюць прыняць удзел ва ўрачыстасцях у Росіцы. 7-8 жніўня ў в. Росіца Верхнядзвінскага р-на збяруцца веруючыя, каб ушанаваць памяць мучаніцкай смерці благаслаўлёных а. Юрыя Кашыры і а. Антонія Ляшчэвіча.

Росіца, вёска ў Верхнядзвінскім раёне, - месца трагічных падзей Другой сусветнай вайны. 16 лютага 1943 года там пачалася карная акцыя супраць насельніцтва вёсак, размешчаных уздоўж лесу каля Дзвіны. Фашысты сагналі людзей у росіцкі касцёл. Айцы марыяне Антоній Ляшчэвіч і Юрый Кашыра адразу накіраваліся да вязняў, сярод якіх былі і католікі, і праваслаўныя; спавядалі, удзялялі святую Камунію, намашчалі святымі алеямі, хрысцілі, прамаўлялі да людзей, дадаючы ім адвагі, і прынялі мучаніцкую смерць у агні палаючага касцёла разам з даручаным ім людам Божым, не жадаючы пакінуць яго аж да смерці.

Пачатак урачыстасцяў 7 жніўня ў 18.00. Паколькі Росіца знаходзіцца ў памежнай зоне, абавязкова мець пры сабе пашпарт і аплату дзяржпошліны на ўезд у памежную зону (код аплаты: 03002).

Праграма ўрачыстасцяў

7 жніўня

18.00 - святая Імша для пілігрымаў
20.00 - Акафіст
21.00 - падрыхтоўка да споведзі (навучанне)
21.30 - Нешпары
22.00 – 23.30 - “А Слова сталася целам”: фармацыйная сустрэча, тэма: як жыць з алкаголікам?

8 жніўня