Законніца перамагла ў кулінарным рэаліці-шоў у ЗША
- Written by katolik-gomel.by
- Published in Царква
- Add new comment
Прыз у 10 тысяч даляраў яна накіруе на кухню для бедных.
Услед за сястрой Крысцінай Скуччыя, якая выйграла конкурс «Голас Італіі», у Злучаных Штатах яшчэ адна каталіцкая законніца перамагла ў тэлевізійным шоў, на гэты раз - кулінарным.
- Я раблю гэта дзеля Хрыста. Я хачу паказаць, наколькі поўным можа быць жыццё, прысвечанае Богу. Хачу таксама, каб дзякуючы майму ўдзелу ў гэтым шоў звярнулі ўвагу на самых бедных сярод нас, якія вельмі каштоўныя для Ісуса, - распавядае законніца пра мэту ўдзелу ў шоў. Сястра Аліцыя Торэс - адна з заснавальніц супольнасці сясцёр-францішканак ад Эўхарыстыі. Сёстры атачаюць асаблівай пашанай Найсвяцейшую Эўхарыстыю, прыярытэтным для іх з'яўляецца служэнне бедным і евангелізацыя.
Сястра Аліцыя працуе на кухні для бедных ў адным з раёнаў Чыкага, менавіта там яна мае магчымасць эксперыментаваць і ўдасканальваць свае кулінарныя здольнасці. «У дзевяці з дзесяці выпадкаў атрымліваецца на самой справе смачна», - жартуе яна. Сястра кажа, што кухня ўтрымліваецца з ахвяраванняў, а ніколі таксама на самой справе не вядома, колькі людзей прыйдзе абедаць, таму «прыходзіцца тварыць кожны дзень». Яна кажа, што дзякуе такім чынам Госпаду, які дабраслаўляе і падтрымлівае іх ініцыятывы.
Каб атрымаць перамогу, сястра перамагла ў трох раўндах: яна падрыхтавала дэсерт, лёгкую закуску А ўсё вырашыла страва для абеду з нагоды Дня падзякі - тут сястры Аліцыі роўных не было. За перамогу ў рэаліці-шоў яна атрымала 10 000 даляраў, якія плануе накіраваць на развіццё кухні для бедных.
Related items
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры