Помнік Барадуліну асвецяць і адкрыюць ва Ушачах

Адкрыццё і асвячэнне помніка Рыгору Барадуліну на Бутаўскіх могілках ва Ушачах адбудзецца 26 снежня.

Рыгор Барадулін памёр 2 сакавіка 2014 года ў Мінску. Згодна з апошняй воляй паэта, быў пахаваны поруч з мамай у родных Ушачах.

Пакінуў запавет: «Калі я адыду, пастаўце мне / Сівы валун і крыж на валуне…»

Грошы на помнік народнаму паэту збіралі ўсім светам, з усёй краіны перадавалі жорны для аздаблення пахавання. Чынную ўсебаковую дапамогу аказаў Ушацкі райвыканкам. Вырабіў помнік з валуна скульптар Ігар Засімовіч.

16 лістапада 2015 года супрацоўнікі Авіяцыі МНС Беларусі пры дапамозе верталёта Мі-8 апусцілі 2,5-тонны валун на магілу.

Сatholic.by