Арцыпастыр католікаў Беларусі далучыўся да велапараду ў Мінску
- Written by katolik-gomel.by
- Published in Царква
- Add new comment
Мітрапаліт Кандрусевіч: «Ровар заклікае да жыцця з Богам».
30 красавіка Мітрапаліт Мінска-Магілёўскі арцыбіскуп Тадэвуш Кандрусевіч прыняў удзел у адкрыцці веласезону ў Мінску. У адкрыцці веласезону разам з іерархам удзельнічалі ксёндз Юрый Санько і міністрант мінскага архікатэдральнага касцёла.
У размове з Catholic.by арцыбіскуп выказаў радасць з таго, што такое мерапрыемства праводзіцца. Па словах іерарха, у гэтым годзе колькасць удзельнікаў была значна большай, чым у мінулым, — магчыма нават каля 5-6 тысяч, у асноўным моладзь.
Асаблівасцю сёлетняга мерапрыемства, як адзначыў арцыпастыр, было тое, што дыстанцыя была значна даўжэйшай, чым у мінулым, — больш за 10 км, а таксама тое, што ў гэтым годзе яно было падобным да балу-маскараду, бо многія ўдзельнікі былі ў разнастайных масках.
Мітрапаліт падзяліўся, што яго прыемна ўразіла вялікая колькасць ровараў розных канструкцый. Іерарх дадаў, што некаторыя з іх бачыў упершыню.
Па словах арцыбіскупа, такое мерапрыемства вельмі патрэбнае. «Гэта было сапраўднае свята, якое таксама вучыць моладзь здароваму стылю жыцця», — сказаў Мітрапаліт.
«І сам ровар у пэўным сэнсе заклікае да жыцця з Богам. Ён сам па сабе не можа стаяць вертыкальна. Яго трэба падтрымліваць або ехаць на ім. Таксама і чалавек без Божай дапамогі падае, бо паддаецца спакусам, — адзначыў арцыбіскуп. — Мараль ровара ў тым, што ён вучыць нас таму, што, каб не падаць у грахоўнае балота, неабходна ісці па жыцці разам з Богам».
Нагадаем, арцыпастыр беларускіх католікаў - актыўны веласіпедыст, нягледзячы на свой узрост. У прыватнасці, на ровары ён традыцыйна адпраўляецца ў пілігрымка Мінск - Будслаў, дзе штогод збіраюцца католікі Беларусі для шанавання Божай Маці.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў