BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Каталіцкі і праваслаўны святары блаславілі прызыўнікоў

Кожны атрымаў крыжык і пажаданні любові і мудрасці.

З 16 па 31 мая адбываецца прызыў грамадзян на тэрміновую ваенную службу. Паводле слоў лідскага камісара Аляксандра Хермана, усяго сёлета падчас вясновага прызыву з ваеннага камісарыяту Лідскага раёна ў воінскія часткі будуць накіраваны больш за 250 юнакоў.

«20 хлопцаў папоўняць спіс ваеннаслужачых Лідскага пагранатрада, 23 прызыўнікі будуць служыць у 116-й штурмавой авіябазе. У цэлым гэтай вясной у воінскія часткі для праходжання тэрміновай ваеннай службы накіруюць да 10 тысяч чалавек, яшчэ каля тысячы будуць праходзіць службу ў рэзерве», — сказаў Аляксандр Херман.

Перад адпраўкай прызыўнікоў на службу святары Каталіцкага Касцёла і Праваслаўнай Царквы ўдзялілі прызыўнікам благаслаўленне і акрапілі іх святой вадой. На заканчэнне кожны прызыўнік атрымаў на памяць крыжык.

«За перыяд службы я жадаю вам любові, розуму і мудрасці, каб з Божай дапамогай у будучыні вы змаглі абараняць свае сем’і, жонак і дзяцей і былі добрым прыкладам для іх», — пажадаў прызыўнікам кс. Юрый Беганскі, паведамляе Сatholic.by.

Нагадаем, у Беларусі вызначаны парадак альтэрнатыўнай службы >>>

Дадаць каментарый

Ахоўны код
Абнавіць