Католікі Беларусі праводзяць Дзень перапрашэння за злачынствы савецкага атэізму
- Written by katolik-gomel.by
- Published in Царква
- Comments (6)
Таксама ў касцёлах моляцца аб дараванні грахоў святароў, вернікаў і ўсяго народа.
Ва ўрачыстасць Найсвяцейшага Сэрца Езуса, 3 чэрвеня, па рашэнні канферэнцыі біскупаў Каталіцкай царквы ў Беларусі праводзіцца Дзень перапрашэння. У кожнай каталіцкай парафіі краіны пасля Імшы служаць спецыяльнае «Набажэнства перапрашэння» за абразу святыняў, духоўных асоб, за грахі святароў, вернікаў і ўсё зло народа. У гэты дзень біскупы заклікалі ўсіх вернікаў прытрымлівацца посту.
«Набажэнства перапрашэння» з'яўляецца таксама пэўным экзарцызмам - выгнаннем злых духаў для ўсяго беларускага народа (нагадаем, нядаўна ў Беларусі быў прызначаны нацыянальны экзарцыст). Перад Найсвяцейшым Сакрамэнтам - Целам Хрыстовым - католікі просяць прабачэння ў Бога «за зло і грахі, учыненыя ў мінулыя дзесяцігоддзі».
У прыватнасці: за храмы, пераабсталяваныя пад склады, фабрыкі і заводы, спартыўныя залы, за людзей, якія знішчылі храмы, за знявагу святых абразоў, за праклінанне Царквы, за шкоду, нанесеную Царкве пры дапамозе магіі і акультных практык, за перашкоды ў будаўніцтве храмаў, за знішчэнне крыжоў і прыдарожных каплічак, прысвечаных Панне Марыі, за зневажанне і знішчэнне могілак, за забітых і арыштаваных святароў і свецкіх, за пераслед і ліквідацыю манаскіх супольнасцяў, за атэізм і адыход ад веры, за кожнае зло, здзейсненае для таго, каб знішчыць веру ў сэрцах людзей.
Таксама вернікі просяць прабачэння за грахі святароў, у тым ліку за тых, якія падавалі дрэнны прыклад жыцця, упадалі ў спакусы, дрэнна выконвалі свае абавязкі. Католікі просяць дараваць святарам за руцінную малітву, за недахоп любові да вернікаў, за ўпадзенне ў залежнасці, за спакушанасць прывідам багацця, за нягодную цэлебрацыю святых сакрамэнтаў, а яшчэ дараваць тым, хто спакушаў духоўных асобаў да граху, даносіў на духавенства.
Трэцяя частка Набажэнства перапрашэння - за грахі саміх вернікаў, у тым ліку за веру ў забабоны і варожбы, за праклёны і шуканне дапамогі ў нячыстых сілах з мэтай нашкодзіць бліжняму, а таксама за разводы, аборты, нянавісць, пыху і эгаізм, сваркі, хлусню, абгавор і паклёп на бліжняга, за грахі ў сэксуальнай сферы, учыненыя думкай, словам і справай, за п'янства і алкагалізм, за крадзеж, асабліва грамадскай уласнасці, за недахоп адказнага выхавання дзяцей у духу веры і хрысціянскай любові, за недахоп прабачэння і прымірэння, за імкненне больш мець, чым быць, за ігнараванне людзей, якім патрэбна дапамога, іншыя грахі супраць Бога і бліжняга.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
Молитва никогда не может быть грехом, о чем вы говорите?!! Молиться надо за всех, даже за самых последних грешников. Иисус Христос учит молиться даже за врагов!
Вы, наверное, путаете католических и православных священников. Это в православии много постов и много полных священников (это, кстати, взаимосвязано - особенный порядок питания с соблюдением постов приводит к нарушению обмена веществ и такой форме тела). Если бы католические священники в Беларуси жировали, имея по две машины за счет верующих, а уж тем более были развратниками, господин Гуляко об этом сразу же сообщил бы общественности )) И уж тем более, если бы эти священники были бы не белорусами, а иностранцами.
Грехи Церкви, говорите, больше, чем советского атеизма? Миллионы жертв лагерей? Миллионы загубленных жизней, убежденных в том, что Бога нет, а значит все позволено?
RSS-стужка каментароў гэтага запiсу