Акцыя «Пачастуй святара півам» праходзіць сярод католікаў

Верасень 12, 2016
Written by katolik-gomel.by
Published in Царква
Add new comment

Сярэднявечную традыцыю адраджаюць у розных краінах свету.

У другі панядзелак верасня (у 2016 годзе гэта 12 верасня) сярод вернікаў-католікаў ёсць традыцыя, пра якую мала хто ведае: частаваць святароў півам! Стары звычай адрадзілі амерыканскія католікі, і вось ужо некалькі гадоў яго ажыўляюць у розных краінах свету.

Традыцыя звязана са сканчэннем збору ўраджаю. У сярэднявечнай Еўропе было прынята дзякаваць за шчодрасць не толькі прыродзе, але і парафіяльным святарам - за падтрымку ў малітве і навучаннях. Частуючы півам, католікі дзякавалі святарам таксама за іх клопат і добрыя справы.

Цяперашняя міжнародная акцыя «Пачастуй святара півам» дазваляе ў нефармальнай абстаноўцы падзякаваць айцам, пагутарыць з імі і даць ім невялікі адпачынак ад мітусні парафіяльных будняў. Дарэчы, арганізатары заклікаюць частаваць святароў не толькі півам, але і кавай, прысмакамі.

Tagged under