Арцыбіскуп Тадэвуш Кандрусевіч напісаў адкрыты ліст міністру ўнутраных спраў
- Written by katolik-gomel.by
- Published in Царква
- Add new comment
Іерарх выказаў незадаволенасць заніжэннем у справаздачах колькасці вернікаў.
Арцыбіскуп Тадэвуш Кандрусевіч звярнуўся з адкрытым лістом да міністра ўнутраных спраў Беларусі Ігара Шуневіча і выказаў незадаволенасць тым, што ў апошнія гады штучна заніжаецца колькасць каталіцкіх вернікаў, якія прымаюць удзел у калядных і велікодных набажэнствах. Пра гэта ўчора распавёў сайт Каталік Гомель, прааналізаваўшы міліцэйскія сводкі за розныя гады.
- Згодна з афіцыйным сайтам МУС, на набажэнствах у ноч Божага Нараджэння ў Беларусі ў гэтым годзе прысутнічала каля 40 тыс. вернікаў, што не адпавядае рэчаіснасці і гэтая лічба з'яўляецца відавочна заніжанай, пра што сведчаць дадзеныя па Мінску і Гродне, не кажучы пра іншыя парафіі, асабліва на Гродзеншчыне. Толькі ў Мінску ў ноч Божага Нараджэння 2016 г. на ўсіх набажэнствах прысутнічала каля 11 тыс. чалавек, у Гродне - каля 13 тыс., у Лідзе - каля 6 тыс. Гэта значыць, толькі ў гэтых трох гарадах прысутнічала 75% ад прадстаўленых МУС дадзеных. А колькі было ў іншых гарадах, такіх як напрыклад Ашмяны, Ваўкавыск, Браслаў, Паставы, Глыбокае, Баранавічы, Брэст? - піша арцыбіскуп.
Акрамя таго, адзначае ён, статыстыку неабходна падаваць не толькі па выніках удзелу вернікаў у начных службах, але і ў дзённых:
- У гэтым годзе на Калядных начных і дзённых набажэнствах у Мінску прысутнічала каля 32 тыс. чалавек, у Гродне - каля 40 тыс., у Лідзе - каля 20 тыс. Таму рэальная колькасць вернікаў, якія ўдзельнічалі ў святочных набажэнствах ва ўсёй Беларусі ў шмат разоў больш, чым пададзена на сайце МУС.
Іерарх выказаў надзею, што ў будучыні міліцыя будзе прадастаўляць адпаведную праўдзе інфармацыю аб удзеле вернікаў у каталіцкіх набажэнствах.
Related items
- Не святар: разабралі памылковую інфармацыю пра затрыманне верніка ў Омску
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры