Рок-гурт манахінь з Перу збірае стадыёны [відэа]

Рок-гурт каталіцкіх законніц «Siervas» з Лімы, сталіцы Перу, збірае стадыёны прыхільнікаў. Назва гурта перакладаецца як «Служанкі», а самі сёстры знаходзяцца ў нядаўна створаным ордэне «Служанкі Плана Бога» (Siervas del Plan de Dios).

- Людзі забываюць, што манахіні былі звычайнымі людзьмі да таго, як прыняць пострыг, - гаворыць сястра Моніка. - Мы ўсё жыццё слухалі поп і рок-музыку, некалькі сясцёр ўмелі граць на музычных інструментах, а зараз «Сьервас» запрашаюць з канцэртамі па ўсім свеце. Многія нам пісалі і казалі: «У майго дзіцяці рак, я была ў роспачы, але пачула песню і вырашыла: трэба вярнуць веру і спакой майму сэрцу».

Сёстры ўжо запісалі некалькі хітоў. Яны збіраюць стадыёны прыхільнікаў, а відэа выступленняў «Siervas» у сацсетках набіраюць тысячы, а часам і больш за мільён праглядаў і лайкаў.

- У рамках нашай харызмы мы ўбачылі, што музыка з'яўляецца фундаментальнай часткай нашай прапаведніцкай місіі. З дапамогай нашых кампазіцый мы становімся бліжэй да чалавечага досведу, даючы адказ з пункту гледжання веры, - гаворыцца на сайце ордэна www.siervasdelplandedios.org. - Мы адчуваем патрэбу гаварыць пра Бога, каб зрабіць дакладнай сваю любоў і перадаць яе праз музыку, па гэтай прычыне мы стварылі гурт «Служанкі», які складаецца з адзінаццаці сясцёр з Аргентыны, Кітая, Філіпін, Чылі, Венесуэлы, Эквадора, Перу і Японіі , і праз музыку мы таксама ставім сябе на службу Богу і ўсім людзям, асабліва тым, хто пакутуе больш за ўсё.