У многіх краінах свету моляцца аб хворым на рак бацьку 18 дзяцей

У Вялікі пост, які пачаўся ў католікаў 1 сакавіка, мільёны людзей адчуваюць рэальныя фізічныя пакуты, і многія злучаюцца ў сваіх муках з пакутай Ісуса Хрыста. У краінах Паўднёвай і Паўночнай Амерыкі, ў Афрыцы, ЗША, Азіі і Еўропе многія каталіцкія сем'і моляцца аб дары выздараўлення, Божай падтрымцы і ласцы для бацькі 18 дзяцей з Іспаніі. Гэта Хасэ Марыя Пасціга, які нядаўна паспеў наведаць Беларусь разам са сваёй жонкай Розай, каб прэзентаваць кнігу «Як жыць шчасліва ў сям'і з 1,2,3... дзецьмі?» і прадставіць курсы Міжнароднай федэрацыі сем'яў (IFFD). Тады ён таксама перажываў праблемы са здароўем пасля аперацыі.

Нядаўна ў Хасэ Марыі выявілі цяжкую форму раку, ён адчувае велізарныя пакуты і цяпер знаходзіцца ў шпіталі. Сужэнцы неслі служэнне сем'ям у многіх краінах па ўсім свеце, таму іх ведаюць і любяць у розных кутках Зямлі, моляцца за іх. Заклікаем і беларускія сем'і да малітвы за Хасэ Марыю.