Сэлфі Уолберга з Папяльцовай серады набрала мільён лайкаў
- Written by katolik-gomel.by
- Published in Царква
- Add new comment
Галівудскі акцёр даў чарговае сведчанне сваёй веры.
Вядомы галівудскі акцёр Марк Уолберг, практыкуючы католік, пажадаў на сваіх старонках у сацсетках дабраславенняў усім, хто ў Папяльцовую сераду пачаў Вялікі Пост. За суткі сэлфі з попельным крыжыкам на ілбе набрала больш за 500 тыс. лайкаў у Instagram і амаль столькі ж у Facebook, а таксама больш за 6 тыс. каментароў, звыш 18 тыс. карыстальнікаў Фэйсбука падзяліліся допісам.
Такім чынам Марк Уолберг, вядомы, напрыклад, па фільмах «Адступнікі», «Трансформеры» даў чарговае сведчанне сваёй веры.
Раней Уолберг адзначаў, што моліцца аб пакліканнях да святарства і што высока шануе святароў, паколькі яны сыгралі ў яго жыцці асаблівую ролю:
- Мая каталіцкая вера - гэта якар і апора для ўсяго, што я раблю ў жыцці. У сваёй штодзённай малітве я прашу указанняў і сіл для быцця мужам і бацькам (у акцёра чацвёра дзяцей).
Таксама Уолберг заснаваў дабрачынны фонд, арыентаваны на фінансавую і сацыяльную падтрымку таленавітай моладзі з гарадскіх кварталаў.
Чытайце таксама: Уолберг папрасіў прабачэння перад Папам Рымскім за фільм «Трэці лішні».
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад