Пробашч «беларускага Нотр-Дама» адышоў у вечнасць

Сакавік 23, 2017
Written by katolik-gomel.by
Published in Царква
Add new comment

Больш за 20 гадоў а. Леанід Несцюк служыў у гервяцкай парафіі.

У ноч на 24 сакавіка а. Леанід Несцюк, пробашч каталіцкай парафіі Найсвяцейшай Тройцы ў Гервятах, адышоў у вечнасць. Пра гэта паведаміў на сваёй старонцы ў Фэйсбуку пробашч парафіі ў Друі а. Сяргей Сурыновіч. Нагадаем, 21 сакавіка святар быў шпіталізаваны ў цяжкім стане.

Ксёндз Леанід Несцюк вядомы ў Беларусі і далёка за яе межамі. Больш за 20 гадоў ён служыў у Гервяцкай парафіі, якая можа ганарыцца прыгожай святыняй. Гэты касцёл з-за яго прыгажосці часта называюць «беларускім Нотр-Дамам», штодня яго наведваюць шматлікія турысты з усёй краіны і з-за мяжы. Аб прыгажосці ў касцёле і вакол яго клапаціўся асабіста а. Леанід Несцюк, які ўклаў у гэта шмат сэрца і часта падкрэсліваў, што «гэта трэба любіць».