BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Відэа: як гучаць званы ў катэдральным касцёле Магілёва

Яны будуць склікаць у храм на святую Імшу і на малітвы.

У магілёўскім катэдральным касцёле Унебаўзяцця Найсвяцейшай Панны Марыі і святога Станіслава ўсталявалі званы. Яны загучалі 9 красавіка, калі католікі святкавалі Пальмавую (Вербную) нядзелю.

- Нарэшце ўсталявалі званы, і цяпер увесь горад можа чуць, што ў нас ёсць касцёл і стаіць ён у цэнтры горада. А то нават некаторыя карэнныя магілёўцы не ведаюць наогул, што ў нас ёсць касцёл, - напісала ў сваім Дзённіку каталічкі магілёўская парафіянка Яна Козыр. Па нашай просьбе яна запісала невялікае відэа, каб перадаць гучанне званоў.

Як вядома, магілёўскі касцёл Успення Найсвяцейшай Панны Марыі і святога Станіслава ў савецкі час не разбурылі, але схавалі за новабудоўлямі, таму яго цяжка заўважыць з вуліцы. Храм зачынілі каля 70 гадоў таму, з тых часоў магілёўцы не чулі гук касцельных званоў.

Зараз, па ініцыятыве біскупа Аляксандра Яшэўскага, званы набылі і ўсталявалі за ахвяраванні вернікаў некалькіх парафій і сям'і Эпштэйнаў з Мінска.

Па раніцах званы ў касцёле не будуць гучаць, каб не будзіць жыхароў бліжэйшых дамоў, а ўдзень і па вечарах у будні і нядзелю званы будуць склікаць на святую Імшу троххвілінным боем, а таксама на малітву «Анёл Панскі» - апоўдні.

Media

Last modified onПанядзелак, 10 Красавік 2017 16:55

Дадаць каментарый

Ахоўны код
Абнавіць