Снег 11 траўня: у касцёлах моляцца аб нармалізацыі надвор'я

Май 11, 2017
Written by katolik-gomel.by
Published in Царква
Add new comment

Кветкі ў гурбах уражваюць, але ўраджай можа загінуць [фота]

І зноў, ужо 11 траўня, снег накрыў частку тэрыторыі Беларусі. Стужкі ў сацсетках мільгацяць снежнымі фота: Маладзечна, Мінск, Віцебск, Друя... Сняжынкі, а сям-там і сапраўдныя гурбы, ляжаць на свежай зялёнай траве, на травеньскіх цюльпанах. Вось дык Божыя сюрпрызы!

Аднак у некаторых каталіцкіх парафіях, у прыватнасці ў Віцебскай вобласці, святары моляцца аб нармалізацыі надвор'я. Бо многія людзі ўжо засеялі агароды, а гаспадаркі - палі, таму з-за анамальных халадоў у траўні ўраджай можа загінуць.

Тым часам сіноптыкі прагназуюць пацяпленне ўжо 12 траўня. У ноч на пятніцу яшчэ будзе халодна - каля нуля градусаў, а затым - прыкладна 9-13 градусаў цяпла без ападкаў, па поўдні краіны - яшчэ цяплей. У выходныя тэмпература таксама трохі падрасце - да плюс 16 градусаў, але пасля панядзелка зноў невялікае пахаладанне: плюс 9-11 градусаў з дажджамі.