На месцы зруйнаванага бальшавікамі касцёла ўсталявалі помнік

Верасень 18, 2017
Written by katolik.life
Published in Царква
Add new comment

Святыня ў Шаркаўшчыне была пабудавана 110 гадоў таму. «Знішчаны касцёл, але не знішчана вера!», - гаворыцца на шыльдзе.

У райцэнтры Шаркаўшчына Віцебскай вобласці ўсталявалі памятны знак прыкладна на тым месцы, дзе раней стаяў каталіцкі храм. Помнік у выглядзе каменя змяшчае выяву зруйнаванага бальшавікамі касцёла і словы: «На гэтым месцы ў 1907 годзе быў пабудаваны прыгожы драўляны касцёл «Узвышэння святога крыжа», які ў 1963 годзе быў зруйнаваны».

Таксама на камяні змешчаны вершаваныя радкі:

Нашы храмы - святыні Хрыстовы, захавальніцы чысціні.

Вежы касцёлаў - крылы анёлаў, нас у вечнасць клічаце вы...

«Знішчаны касцёл, але не знішчана вера!», - гаворыцца на шыльдзе.

Цікава, што ў 2015 годзе ў Шаркаўшчыне быў адкрыты помнік забітаму падчас бальшавіцкага тэрору праваслаўнаму святару Канстанціну Жданаву.

Фота: vk.com/volatvydannie. Клікніце на здымак для павелічэння.

Tagged under